កូនរបស់ខ្ញុំឧស្សាគេងមមើ តើខ្ញុំគួរធ្វើដូចម្តេច?

កូនរបស់ខ្ញុំឧស្សាគេងមមើ តើខ្ញុំគួរធ្វើដូចម្តេច?

មមើ(somnambulism)ជាធម្មតាពាក់ព័ន្ធនឹងការដែលអ្នកងើបពីដំណេកហើយដើរ ចុះឡើងខណៈពេលដែលកំពុងតែគេងលក់នៅឡើយ។ ភាគច្រើនវាកើតនៅលើកុមារ ដែលមានអាយុពី៤ទៅ៨ឆ្នាំហើយវាកើតឡើងដោយចៃដន្យមិនមែនជាសញ្ញានៃបញ្ហា ដ៏ធ្ងន់ធ្ងរ ឬតម្រូវឲមានការព្យាបាលណាមួយនោះទេ។ ទោះជាយ៉ាងណាក៏ដោយការមមើអាចកើតឡើងនៅអាយុណាមួយក៏បាន និងអាចជា ភាពមិនធម្មតា ឬអាចជាជាឥរិយាបថដែលមានគ្រោះថ្នាក់ដូចជាការមមើលោតចេញ តាមបង្អួចផ្ទះ ឬក៏មមើនោមដាក់ក្នុងទូ ឬធុងសំរាមជាដើម។ ប្រសិនបើនរណាម្នាក់ ក្នុងគ្រួសាររបស់អ្នកមមើជាញឹកញាប់វាគឺជារឿងសំខាន់ណាស់ដើម្បីការពារគេពីការ រងរបួសដែលបណ្តាលមកពីការមមើនេះ។ អ្នកគួរព្យាយាមធ្វើដូចខាងក្រោមនេះ៖

ធ្វើអោយបរិស្ថានជុំវិញមានសុវត្ថិភាពសម្រាប់ការអ្នកគេងមមើ ដើម្បីជួយការពារពី ការរងរបួស បិទ និងចាក់សោទ្វារបង្អួចទាំងអស់ផ្នែកខាងក្រៅនៅពេលយប់។ អ្នកក៏អាចចាក់សោទ្វារខាងក្នុង ឬដាក់សម្លេងជាដំណឹង ឬកណ្តឹងនៅលើទ្វារ។ ប្រសិនបើកូនរបស់អ្នកមមើសូមកុំអនុញ្ញាតអោយគេគេងនៅលើគ្រែដែលមានច្រើនជាន់។ ដាក់វត្ថុមុតស្រួច ឬងាយបាក់បែកអោយឆ្ងាយ។
គេងអោយបានច្រើន ការអស់កម្លាំងអាចរួមចំណែកដល់ការគេងមមើ។ សូមព្យាយាមគេងពីព្រលប់ និងគេងអោយបានទៀងទាត់ពេលវេលា។
បង្កើតភាពជាទៀងទាត់មួយ ទម្លាប់សម្រាកមុនពេលចូលគេង ធ្វើអោយមានភាពស្ងប់ស្ងាត់ដូចជាការអានសៀវភៅ ការលេងល្បែងផ្គុំរូប ឬត្រាំ ជើងនៅក្នុងទឹកក្តៅមុនពេលគេង។ សម្មាធិ ឬការសំរាកអាចជួយបានផងដែរ។
កាត់បន្ថយភាពតានតឹង កំណត់ពីរឿងរ៉ាវដែលធ្វើឲអ្នកបាត់តប់ប្រមល់ និងស្វែងរកវិធីណាដែលអាចធ្វើទៅបានដើម្បីដោះស្រាយភាពតានតឹងនេះ។ ប្រសិនបើកូនរបស់អ្នកហាក់ដូចជាមានភាពតានតឹងក្នុងចិត្តពិភាក្សាអំពីអ្វីដែលរំខានដល់គេ។
មើលនូវលំនាំនៃការមមើ ប្រសិនបើកូនរបស់អ្នកគេងមមើរក្សាវាជាកំណត់ហេតុ មួយ។ កត់សំគាល់ថាតើប៉ុន្មាននាទីបន្ទាប់ពីចូលគេងទើបមមើកើតឡើង។ ប្រសិនបើមមើមានការកំណត់ពេលវេលាដាស់កូនអ្នកឲក្រោកប្រហែល១៥នាទី មុនពេលអ្នករំពឹងថានឹងមានការមមើកើតមានឡើង។ ធ្វើអោយកូនរបស់អ្នកភ្ញាក់ដឹង ខ្លួនប្រាំនាទី ហើយបន្ទាប់មកអនុញ្ញាតអោយគេគេងលក់ម្តងទៀត។

ការមមើដ៏រំខាននេះជាធម្មតាមិនមែនជា លក្ខខណ្ឌដ៏ធ្ងន់ធ្ងរនោះទេ ហើយជាធម្មតាវានឹងបាត់ទៅវិញដោយខ្លួនឯង៕

By health.com.kh

មុន បន្ទាប់

មតិយោបល់