ធុញទ្រាន់នឹង ជីវិតរៀបការហើយមែនទេ?

ធុញទ្រាន់នឹង ជីវិតរៀបការហើយមែនទេ?

រាប់ចាប់តាំងពីការងារប្រចាំថ្ងៃ ទំនួលខុសត្រូវ និងជីវិតផ្លូវភេទទៀតនោះ វាអាចនឹងមានពេលខ្លះ ធ្វើអោយធុញទ្រាន់តែម្តង ហើយពេលខ្លះ បុរស ឬស្ត្រីមួយចំនួននឹងគិតថា ចង់ស្វែងរកបរិយាកាសថ្មីៗ ប្លែកៗវិញម្តង។ ការរកថ្មី មិនមែនជាដំណោះស្រាយនៅពេលជីវិតគ្រួសាររបស់អ្នកចុះខ្សោយនោះទេ។

សម្រែកនៃភាពធុញទ្រាន់
មានវិធីសាស្ត្រច្រើនណាស់ ដែលអាចធ្វើអោយអ្នកឈប់ធុញទ្រាន់ចំពោះស្នេហា។ ដំបូងឡើយ ចូរធ្វើការណាត់ជួបជាមួយប្រពន្ធអ្នកភ្លាមៗ។ ការណាត់ជួបដែលគ្មានគម្រោងមុននេះ អាចក្លាយទៅជារឿងគួរអោយភ្ញាក់ផ្អើលបាន។ ការញ៉ាំអាហារពេលយប់នៅភោជនីយដ្ឋានជិតផ្ទះ ក៏ប្រហែលជាអ្នកមិនធ្លាប់ធ្វើពីមុនមកដែរមើលទៅ ហើយអ្នកគួរតែសាកល្បង។ ចំណែកឯការជិះឌុបគ្នាមើលទេសភាពក្នុងទីក្រុង ឬព្រះអាទិត្យរៀបលិច ក៏ជារឿងល្អមួយដែរ ព្រោះស្ថានភាពអស់ទាំងនេះនឹងក្លាយទៅជាការចងចាំដ៏ខ្លាំងក្លាបំផុត។ ទោះបីជាយ៉ាងណាក៏ដោយ បើសិនជាអ្នកមានកូន គួរតែទុកពួកគេអោយម្តាយមើល ឬយកទៅផ្ញើនៅផ្ទះជីដូនជីតាគេសិនទៅ។

ពង្រឹងដល់ភាពរីករាយ
ភាពរ៉ូម៉ែនទិច គឺជាកត្តាដ៏សំខាន់មួយសម្រាប់ទំនាក់ទំនងស្នេហា។ បើយើងនិយាយអំពីរឿងលើគ្រែវិញ អ្នកគួរតែកុំបាច់ដោះសម្លៀកបំពាក់អោយអស់អី ហើយព្យាយាមប្រើក្បាច់ថ្មីដែលអ្នកមិនធ្លាប់សាកល្បងពីមុនសោះវិញ ពេលនោះដៃគូអាចនឹងពេញចិត្តចំពោះជីវិតរៀបការរួចរបស់អ្នកជាមិនខាន។ ដើម្បីអោយគូស្នេហាទទួលបានជីវិតរៀបការរួចប្រកបដោយភាពសប្បាយរីករាយរយៈពេលយូរនោះ អ្នកទាំងពីរត្រូវតែមានភាពចុះសម្រុងគ្នាខាងផ្លូវភេទជានិច្ច។

ផ្តល់ពេលវេលាសម្រាកពីគ្នា
មិនត្រូវតោងដៃគូជាប់ដូចស្ករតាំងម៉ែនោះទេ។ ចូរផ្តល់សិទ្ធិសេរីភាពដល់ប្តី ឬប្រពន្ធរបស់អ្នកអោយកម្សាន្តតែម្នាក់ឯងខ្លះទៅ ជាពិសេសការជួបជុំមិត្តភក្តិរបស់គេតែម្តង។

មានភាពកំប្លែង
មិនត្រូវភ្លេចការប្រើប្រាស់ភាពកំប្លែង និងសើចដាក់គ្នាទៅវិញទៅមកទេ។ មនុស្សគ្រប់គ្នា មិនថាខ្ញុំ ឬគេទេ សុទ្ធតែចូលចិត្តមនុស្សណាដែលយល់ស្របថាខ្លួនឯងមានកំហុស និងសើចលេងចំពោះរឿងនោះណាស់។
ការសើចសប្បាយ គឺជាវិធីសាស្ត្រដ៏ល្អបំផុត ដើម្បីចៀសផុតពីភាពនៅដាច់ដោយលែកពីគេ និងបំបាត់ភាពធុញទ្រាន់ចំពោះជីវិតរៀបការរួច៕

ប្រភព៖ Health

មុន បន្ទាប់

មតិយោបល់