ជួបសង្សារចាស់ គួរធ្វើម៉េចល្អ?

ជួបសង្សារចាស់ គួរធ្វើម៉េចល្អ?

ពិភពលោកនេះពិតជាចង្អៀតណាស់ ព្រោះអ្នកអាចនឹងត្រូវចូលរួមសកម្មភាពជាមួយមនុស្សទូទៅគ្រប់កន្លែង ហើយឱកាសនៃការជួបគ្នាជាមួយសង្សារចាស់ក៏មានខ្ពស់ដែរ។

ដូច្នេះ តើអ្នកនឹងមានប្រតិកម្មដូចម្តេចទៅ នៅពេលអ្នកជួបគេអញ្ចឹង?

ធ្វើខ្លួនជាមនុស្សរាក់ទាក់
ចូរធ្វើយ៉ាងណាសម្តែងអាកប្បកិរិយារាក់ទាក់ និងរីករាយចំពោះគេ។ ប៉ុន្តែ ការដែលធ្វើខ្លួនជ្រុលហួសហេតុពេកក៏មិនមែនជារឿងល្អដែរ។ អ្នកមិនបាច់ធ្វើមុខយក្សដាក់គេ និងធ្វើខ្លួនដូចជាមនុស្សអាក្រក់ម្នាក់ដែរ ព្រោះវាគ្មានប្រយោជន៍អ្វីនោះទេ។

កុំបង្ហាញអំពីការច្រណែន
មិនត្រូវធ្វើសកម្មភាព ដូចជាការប្រច័ណ្ឌ ឬចង់ឈ្នះឡើយ។ អ្នកខ្លះគិតថា ការនៅស្និទ្ធស្នាលជាមួយដៃគូពួកគេក្នុងពេលដែលមានវត្តមានសង្សារចាស់នៅនឹងមុខនោះ គឺជាសកម្មភាពអាចធ្វើអោយអ្នកផ្សេងមើលងាយបាន ប៉ុន្តែ វាមិនមែនអញ្ចឹងនោះទេ។

កុំមានអារម្មណ៍ផ្តេសផ្តាស ឬពិបាកចិត្ត
អ្នកនៅតែជាអ្នក! ទោះជាមាន ឬគ្មានវត្តមានគេម្នាក់នោះ ក៏អ្នកមិនត្រូវព្រួយបារម្ភនោះដែរ។ បើសិនជាអ្នកយល់ថា មានរឿងមិនច្បាស់លាស់កើតមាន ឬអ្នកមិនបានដោះស្រាយបញ្ហាកាលពីមុនអោយជ្រះស្រឡះនៅឡើយទេនោះ ចូរធ្វើការប្រឈមមុខនឹងរឿងនោះ ជំនួសអោយការធ្វើអោយខ្លួនគ្មានសេចក្តីសុខ ឬស្ថិតក្នុងចំណងអ្វីមួយ។

រក្សាភាពរឹងមាំរបស់អ្នក
យកល្អ អ្នកគួរតែរក្សាភាពរឹងមាំរបស់អ្នកគ្រប់ពេលដែលអ្នកជួបសង្សារចាស់។ ចូរគោរពខ្លួនឯង និងធ្វើអោយប្រាកដថា ដៃគូនាពេលបច្ចុប្បន្ននេះ ក៏ធ្វើល្អចំពោះអ្នកដែរ៕

ប្រភព៖ Health

មុន បន្ទាប់

មតិយោបល់