យុវវ័យចេះផឹកស្រា ប្រឈមមុខនឹងបញ្ហាជីវិតកាន់តែច្រើន

យុវវ័យចេះផឹកស្រា ប្រឈមមុខនឹងបញ្ហាជីវិតកាន់តែច្រើន

ការស្រាវជ្រាវរបស់រដ្ឋាភិបាលអាមេរិកបានបង្ហាញថា យុវវ័យដែឡចេះផឹកស្រា ហើយប្រើប្រាស់ថ្នាំញៀនទៀត នឹងមានការកើនឡើងនូវហានិភ័យចំពោះបញ្ហាសុខភាពធ្ងន់ធ្ងរ និងការស្លាប់ទៀតផង។

អ្នកស្រាវជ្រាវបានវិភាគលើអ្នកផឹកស្រាមិនគ្រប់អាយុ (អាយុពី ១២ ឆ្នាំទៅ ២០ឆ្នាំ) ដែលត្រូវបានព្យាបាលនៅផ្នែកសង្គ្រោះបន្ទាន់ក្នុងមន្ទីរពេទ្យ ហើយបានរកឃើញថា ២០% នៃគ្រប់ករណីសង្គ្រោះបន្ទាន់ទាំងអស់ ដែលបានទាក់ទងទៅនឹងអ្នកផឹកស្រាដែលមិនទាន់គ្រប់អាយុនោះ បណ្តាលអោយមានលទ្ធផលនៃបញ្ហាសុខភាពធ្ងន់ធ្ងរ។

ផ្ទុយមកវិញ នៅពេលដែល ១២% នៃអ្នកដែលទាក់ទងនឹងការផឹកតែមួយមុខ នាំអោយមានលទ្ធផលធ្ងន់ធ្ងរ អត្រានៃលទ្ធផលធ្ងន់ធ្ងរក្នុងចំនោមអ្នកផឹកស្រាមិនគ្រប់អាយុដែលបានប្រើថ្នាំនោះ បានឡើងដល់ទៅ ៣៣%។

លទ្ធផលធ្ងន់ធ្ងរទាំងនោះរួមមាន ការសម្រាកនៅមន្ទីរពេទ្យ ការបញ្ចូនទៅកាន់មជ្ឈមណ្ឌលសុខភាពដទៃទៀត ក្រោយពីចូលផ្នែកសង្គ្រោះបន្ទាន់ ឬស្លាប់តែម្តងក៏មានដែរ។

វេជ្ជបណ្ឌិត ផាមីឡា ហីដ (Pamela Hyde) បាននិយាយថា ៩,៣% នៃអ្នកផឹកស្រាមិនគ្រប់អាយុជម្រុញហានិភ័យនៃសុខភាពរបស់គេ ហើយនឹងរឹតតែគ្រោះថ្នាក់ នៅពេលដែលពួកគេចេះទាំងផឹកស្រា និងប្រើថ្នាំញៀន។

គាត់បានបន្ថែមទៀតថា ការចាប់ផ្តើមនៃរដូវក្តៅ គឺជាឪកាសល្អសម្រាប់ឪពុកម្តាយ និងអ្នកដទៃទៀត ដើម្បីនិយាយទៅកាន់មនុស្សវ័យជំទង់អំពីគ្រោះថ្នាក់នៃការផឹកស្រា និងការប្រើថ្នាំលើអ្នកមិនទាន់គ្រប់អាយុ៕

ប្រភព៖ Health

មុន បន្ទាប់

មតិយោបល់