ដោះស្រាយបញ្ហាទំនាក់ទំនងស្នេហាដោយរបៀបណា?

ដោះស្រាយបញ្ហាទំនាក់ទំនងស្នេហាដោយរបៀបណា?

នៅក្នុងជីវិតរស់នៅ ការទំនាក់ទំនងមិនត្រូវគ្នាច្រើនតែប៉ះពាល់ដល់ស្នេហារបស់មនុស្ស។ សមត្ថភាពក្នុងការស្តាប់គឺជាឧបករណ៍ល្អបំផុតដែលអ្នកអាចប្រើដើម្បីផ្សះផ្សាទំនាក់ទំនងរបស់អ្នកវិញ។ ខាងក្រោមនេះគឺជាការណែនាំដែលអាចជួយអ្នកក្នុងការដោះស្រាយបញ្ហានេះ។

១. ចូរចងចាំថា សេចក្តីស្រឡាញ់គឺជាកិរិយាស័ព្ទ៖ អ្នកអាចជ្រើសរើសការស្រឡាញ់ដៃគូរបស់អ្នកឱ្យបានល្អជាងមុនឬអាក្រក់ជាងមុន។

២. និយាយគ្នា បើទោះបីជាលទ្ធផលនឹងក្លាយទៅជាការឈ្លោះគ្នាក៏ដោយ៖ ចូរជ្រើសរើសកន្លែងឯកជនមួយ និងពេលវេលាមួយដែលមិនអាចនឹងមានអ្នករំខាន។

៣. មិននិយាយពីឈ្មោះ ឬរឿងអ្វីផ្សេងៗដែលកើតមានពីមុន ក្នុងពេលដែលឈ្លោះគ្នា។ ចូរដោះស្រាយតែបញ្ហាចំពោះមុខ។

៤. ស្តាប់ដៃគូរបស់អ្នកដោយយកចិត្តទុកដាក់និងមិនរំខាន៖ យកចិត្តទុកដាក់លើអារម្មណ៍ដែលបង្ហាញចេញតាមពាក្យសម្តីនិងកាយវិការ។ មិនត្រូវព្យាយាមផ្លាស់ប្តូរអារម្មណ៍នោះ ឬផ្តល់ជាដំណោះស្រាយឡើយ គ្រាន់តែបញ្ជាក់វាដោយការស្តាប់ទៅបានហើយ។

៥. មិនត្រូវចូលគេងទាំងអារម្មណ៍នៅខឹងនឹងគ្នាទៅវិញទៅមក៖ ផ្អាកអារម្មណ៍ខឹងសម្បារមុនពេលចូលគេង។ រឿងភាគច្រើននឹងប្រែក្លាយទៅជាល្អប្រសើរវិញនៅពេលព្រឹក។

៦. ធ្វើសកម្មភាព៖ ធ្វើអ្វីម្យ៉ាងរៀងរាល់ថ្ងៃដែលបង្ហាញពីក្តីស្រឡាញ់របស់អ្នកចំពោះដៃគូ ទោះបីជាអ្នកមិនមានអារម្មណ៍ស្រឡាញ់ក៏ដោយ។

៧. ចូរចងចាំថា ក្តីស្រឡាញ់នឹងកើនឡើងកាន់តែខ្លាំងឡើង ក្រោយពេលអ្នកទាំងពីរបានឆ្លងកាត់រឿងពិបាកជាមួយគ្នា។

ប្រភព៖ Health.com.kh

មុន បន្ទាប់

មតិយោបល់