ចង់បានលុយទឹកតែច្រើន គួរធ្វើដូចម្តេចទៅ?

ចង់បានលុយទឹកតែច្រើន គួរធ្វើដូចម្តេចទៅ?

ដោយសារតែអ្នករត់តុច្រើនតែមិនសូវទទួលបានលុយទឹកតែច្រើន ដូច្នេះ ការធ្វើអោយអតិថិជនសប្បាយចិត្ត គឺជាកត្តាសំខាន់ណាស់ ដើម្បីទទួលបានប្រាក់ចំណូលច្រើន។ បើសិនជាអ្នកធ្វើការងារមិនសូវល្អ នោះលុយទឹកតែរបស់អ្នកប្រាកដជាមិនសូវបានច្រើនឡើយ។

ការក្លាយខ្លួនជាអ្នករត់តុដ៏ល្អម្នាក់ទាមទារអោយអ្នកមានភាពអត់ធ្មត់ និងឧស្សាហ៍ព្យាយាម។ នៅពេលអ្នកបានក្លាយទៅជាអ្នករត់តុជាលើកដំបូង វាអាចជាការពិបាកណាស់ក្នុងការធ្វើអោយអតិថិជនសប្បាយចិត្ត ខណៈពេលដែលអ្នកកំពុងតែសិក្សាអំពីការបម្រើភ្ញៀវ។ ប៉ុន្តែ នៅពេលអ្នកមានភាពស៊ាំនឹងការងារហើយនោះ អ្នកពិតជាអាចមានឥទ្ធិពលវិជ្ជមានក្នុងការទទួលបានកម្រៃច្រើនជាងមុនជាមិនខាន។

ធ្វើខ្លួនឯងអោយ “ពិសេស” ជារៀងរាល់ថ្ងៃ
អ្នកគួរតែធ្វើខ្លួនឯងអោយមានលក្ខណៈពិសេសជារៀងរាល់ថ្ងៃ ព្រមទាំងជ្រើសរើសមុខម្ហូបដែលអ្នកច្រើនតែរើសអោយភ្ញៀវ ឬណែនាំអោយភ្ញៀវជាទៀងទាត់។ កាលណាអ្នកទទួលបានចំណេះដឹងកាន់តែច្រើនអំពីអាហារទាំងនេះ អ្នកនឹងអាចជួយអោយអតិថិជនសម្រេចចិត្តកាន់តែប្រសើរជាងមុន ក្នុងការជ្រើសរើសអាហារដើម្បីទទួលទាន។

“ញញឹម” ដាក់អតិថិជនអោយបានច្រើនបំផុត
ខណៈពេលដែលអ្នកចង់ធ្វើខ្លួនអោយជំនាញនោះ ការញញឹម ជារឿងសំខាន់ណាស់សម្រាប់ធ្វើអោយអតិថិជនមានអារម្មណ៍សប្បាយចិត្តពេលអ្នកកំពុងតែបម្រើពួកគេ។ ទោះបីជាអ្នកមិនមានស្នាមញញឹមនៅលើមុខក៏ដោយ អ្នកក៏គួរតែប្រើភាសាកាយវិការបន្ថែមដូចជាការប្រើខ្សែភ្នែក ដើម្បីបង្ហាញថា អ្នកនៅទីនេះដើម្បីបម្រើអតិថិជនរបស់អ្នក។

ទៅជួបអតិថិជនភ្លាម ពេលគេអង្គុយរួច
ទោះបីជាអតិថិជនអ្នកមិនទាន់ហៅអាហារញ៉ាំក៏ដោយ ក៏ពួកគេតែងតែដឹងថា ខ្លួនគេនឹងចង់ទទួលទានអ្វីហើយ។ វាក៏ជារឿងសំខាន់មួយដែរ ដែលអតិថិជនអ្នកដឹងថាអ្នកជានរណា ដូច្នេះ ពួកគេនឹងដឹងថាត្រូវសួរនរណាបន្ថែមទៀត បើសិនជាពួកគេត្រូវការអ្វីផ្សេង៕

ប្រភព៖ Health.com.kh

មុន បន្ទាប់

មតិយោបល់