ធ្វើម៉េចដឹងថា “ខ្លួនឯងកំពុងមានស្នេហា”?

ធ្វើម៉េចដឹងថា “ខ្លួនឯងកំពុងមានស្នេហា”?

គ្មានសញ្ញាបញ្ជាក់ប្រាប់ត្រង់ៗថា អ្នកកំពុងតែមានស្នេហាជាមួយមនុស្សណាម្នាក់ទេ។ ការណាត់ជួបគ្នាពីរបីដង ការញ៉ាំអាហារពេលយប់យ៉ាងអស្ចារ្យ ឬភាពស្និទ្ធស្នាលខាងផ្លូវកាយ គឺជាសញ្ញាអាចបញ្ជាក់អំពីការពិតថា អ្នកទាំងពីរកំពុងតែចូលចិត្តគ្នាទៅវិញទៅមកហើយ។ អ្នកអាចមានស្នេហាបាន លុះត្រាតែអ្នកទាំងពីបានធ្វើការសម្រេចចិត្តមួយចំនួនអោយគ្នាទៅវិញទៅមក រួមទាំងបញ្ហាផ្ទាល់ខ្លួន ហើយដែលកាន់តែសំខាន់ចំពោះស្ថានភាពទំនាក់ទំនងអ្នកតែម្តង។

ដូច្នេះ តើមានអ្វីខ្លះដែលអាចបញ្ជាក់ថា អ្នកមានស្នេហាមួយមែននោះ?

ការសម្រេចចិត្តអោយគ្នាទៅវិញទៅមក ថាមិនអោយចាប់អារម្មណ៍អ្នកផ្សេង
នៅពេលអ្នកទាំងពីរធ្វើការសម្រេចទៅវិញទៅមកថា នឹងមិនអោយចាប់អារម្មណ៍អ្នកផ្សេង ហើយផ្តោតអារម្មណ៍តែលើគ្នាទៅវិញទៅមកនោះ មានន័យថា អ្នកពិតជាឈានដល់ដំណាក់កាលមួយទៀត ដើម្បីចូលខ្លួនក្នុងស្នេហាមួយ។ ការពិតនោះគឺថា អ្នកកំពុងតែចង់ចំណាយពេលវេលាទាំងអស់របស់អ្នកជាមួយដៃគូ ដើម្បីបង្ហាញថា អ្នកប្រហែលជាលង់ស្រឡាញ់គេហើយ។

និយាយពីរឿងអនាគត
នៅពេលមនុស្សពីរនាក់មានភាពចាស់ទុំមួយអំពីអ្វីដែលជារឿងអនាគតរបស់ស្នេហាពួកគេ ហើយសម្រេចចិត្តថា ពួកគេអាចមើលថែរក្សាខ្លួនពួកគេបាន នោះវាជាពេលវាលាមួយដែលពួកគេដឹងថា ពួកគេកំពុងតែស្រឡាញ់គ្នាហើយ។ ការនិយាយអំពីកត្តាជាច្រើនដូចជា “រឿងអនាគត” នឹងជួយអោយអ្នកដឹងថា ពេលណាអ្នកស្ថិតក្នុងជីវិតស្នេហា។

ឃើញសញ្ញាមួយចំនួន
វាមិនមែនជាក្បួនច្បាប់ដែលពិតប្រាកដនោះទេ។ តែបើសិនជាអ្នកយល់ថា អ្នកកំពុងតែបង្កើតអារម្មណ៍ទំនាក់ទំនងជាមួយដៃគូ វាប្រហែលជារឿងត្រឹមត្រូវហើយ ព្រោះអ្នកកំពុងណាត់ជួបគ្នា ហើយគិតអំពីវាខ្លាំងមែនទែន។ អ្នកនឹងដឹងថា ខ្លួនអ្នកកំពុងតែស្ថិតក្នុងស្នេហាមួយ នៅពេលអ្នកចេះតែគិតអំពីមនុស្សម្នាក់នោះមិនដាច់ ហើយចេះតែចង់ប្រាប់ថា “អ្នកស្រឡាញ់គេ”។

ប្រាប់មិត្តភក្តិ
បើសិនជាអ្នកយល់ថា ខ្លួនឯងចេះតែនិយាយអំពីមនុស្សពិសេសក្នុងជីវិតប្រាប់អោយមិត្តភក្តិអោយដឹងនោះ វាគឺជាគន្លឹះសំខាន់មួយហើយដែលបញ្ជាក់ថា អ្នកកំពុងតែមានស្នេហា។ លើសពីនេះទៅទៀត បើសិនជាដៃគូអ្នក និងអ្នកចង់ជួបមិត្តភក្តិគ្នាទៅវិញទៅមក នោះហើយជាសញ្ញាបញ្ជាក់អំពីការពិតនៃសេចក្តីស្រឡាញ់។

ជួបឪពុកម្តាយ
មែនហើយ បើសិនជាគេប្រាប់អ្នកថា ចង់ជួបឪពុកម្តាយទាំងសងខាងក្នុងរយៈពេលខ្លីខាងមុខនោះ មានន័យថា គេពិតជាកំពុងតែគិតអំពីការបង្កើតចំណងស្នេហានាពេលឆាប់ៗខាងមុខហើយ។ ការជួបឪពុកម្តាយ គឺជារឿងមួយដ៏សំខាន់ក្នុងទំនាក់ទំនងស្នេហាគ្រប់ប្រភេទ ហើយអ្នកក៏គួរតែគិតអោយច្បាស់អំពីអារម្មណ៍ខ្លួនឯងដែរ មុនពេលឈានដល់ចំណុចនេះ។

សញ្ញាបញ្ជាក់តិចតួចផ្សេងទៀតដែលជួយអោយអ្នកដឹងថាអ្នកមានស្នេហា ៖
•    អ្នកចង់ទៅពិធីជប់លៀងនានាជាមួយគ្នា
•    អ្នកផ្តល់ជាបំណងប្រាថ្នា និងក្តីស្រមៃអោយគ្នាទៅវិញទៅមក
•    ប្រើវិធីផ្ទាល់ខ្លួន ដើម្បីធ្វើអោយមនុស្សម្នាក់ផ្សេងទៀតសប្បាយចិត្ត។

ទោះបីជាយ៉ាងណាក៏ដោយ សញ្ញាដ៏បំផុតនោះគឺថា ចិត្តរបស់អ្នកប្រាប់ខ្លួនឯង ថាអ្នកមានស្នេហាហើយ៕

ប្រភព៖ health.com.kh

មុន បន្ទាប់

មតិយោបល់