ចង់លក់ផលិតផលដាច់ គួរធ្វើដូចម្តេច?

ចង់លក់ផលិតផលដាច់ គួរធ្វើដូចម្តេច?

សម្រាប់អ្នកលក់ផលិតផល ឬមនុស្សគ្រប់គ្នាដែលកំពុងតែព្យាយាមផ្សព្វផ្សាយមុខជំនួញរបស់ខ្លួន ជំនាញខាងទំនាក់ទំនងប្រកបដោយប្រសិទ្ធភាព គឺជារឿងសំខាន់ណាស់ចំពោះការលក់។ ការបង្កើតនូវទំនាក់ទំនងដ៏ល្អ និងបង្កើនភាពជឿជាក់គ្នា ខណៈពេលមានការគោរពគ្នា និងទុកចិត្តលើខ្លួនឯងផងនោះ វាសុទ្ធតែជារឿងដ៏ចាំបាច់សម្រាប់គន្លឹះនៃការលក់ផលិតផលឆាប់ដាច់។ ចូរអាននូវចំណុចគន្លឹះខ្លះៗខាងក្រោមនេះ ដែលនិយាយអំពីរបៀបពង្រឹងជំនាញទំនាក់ទំនងពេលអ្នកកំពុងតែព្យាយាមលក់ផលិតផលណាមួយ។

មើលការចាប់ដៃរបស់អ្នក
មនុស្សមួយចំនួនតូចអាចនឹងឃើញមនុស្សម្នាក់ដែលបានផ្តល់នូវការចាប់ដៃគ្នាយ៉ាងល្អមួយបាន ប៉ុន្តែពួកគេភាគច្រើនទំនងជានឹងចាំតែ “មនុស្សដែលចាប់ដៃអាក្រក់” មួយប៉ុណ្ណោះ។ ការចាប់ដៃដែលអាក្រក់ៗដូចជា ការចាប់ដៃបែបមិនល្អ និងទន់ខ្សោយ មនុស្សដែលចាប់ដៃហើយមិនលែង ការចាប់ដៃដែលបែកញើស ការចាប់ដៃបែបអ្នកនយោបាយជាដើម។ ដូច្នេះ អ្នកគ្រាន់តែព្រលែងដៃ ហើយសម្លឹងមើលភ្នែករបស់គេបូករួមការញញឹម និងផ្តល់ទំនុកចិត្តប្រកបដោយភាពរាក់ទាក់ ហើយចូរធ្វើយ៉ាងណាអោយការចាប់ដៃនោះមានរយៈពេលតែពីរវីនាទីបានហើយ។

គិតពីចិត្តអ្នកដទៃមុន
អ្វីដែលអ្នកត្រូវការ គឺផ្តោតសំខាន់ទៅលើការស្តាប់នូវគោលបំណងរបស់អតិថិជន។ តើពួកគេបារម្ភអំពីអ្វី? តើពួកគេមានបញ្ហាអ្វីខ្លះដែលអ្នកអាចជួយដោះស្រាយអោយពួកគេបាន? ភាគច្រើន បើសិនជាអ្នកយកចិត្តទុកដាក់យ៉ាងជិតស្និទ្ធទៅលើអ្វីដែលអតិថិជនកំពុងតែនិយាយប្រាប់ ហើយធ្វើតាមគេនោះ អ្នកនឹងមិនអាចលក់អ្វីបានទេ។ ដំណោះស្រាយដែលអ្នកផ្តល់អោយគេ នឹងដូចអ្វីដែលគេធ្លាប់បានទទួលហើយផងដែរ។

ជជែកដេញដោលខ្លួនឯង
ក្រោយពីស្តាប់នូវការនិយាយរបស់អតិថិជនរួចហើយ អ្នកគួរតែប្រើសម្លេងអោយបានត្រឹមត្រូវផងចំពោះការនិយាយតបទៅកាន់ការបារម្ភរបស់ពួកគេ។ ការធ្វើបែបនេះនឹងទទួលបានរឿងពីរដូចជា ៖ ១. វានឹងធ្វើអោយអ្នកដទៃចូលចិត្តអ្នក ដោយសារតែអ្នកកំពុងតែយកចិត្តទុកដាក់ទៅលើតម្រូវការរបស់ពួកគេ។ រឿងនេះនឹងធ្វើអោយអតិថិជនចូលចិត្តអ្នកកាន់តែខ្លាំង ព្រមទាំងពង្រឹងដល់ឱកាសនៃការលក់ផលិតផលដាច់ទៀតផង។ ២. វានឹងកាត់បន្ថយឱកាសនៃការព្យាយាមលក់ផលិតផល ឬគំនិតដែលមិនត្រូវ។

ប្រើប្រាស់រឿងអ្វីមួយ
នេះមិនមែនមានន័យថា អ្នកគួរតែចាប់ផ្តើមនិយាយរឿងព្រេងនិទាននោះទេ ប៉ុន្តែ គួរតែធ្វើយ៉ាងណាអោយអ្នកស្តាប់របស់អ្នកផ្លាស់ប្តូរគំនិតមកចាប់អារម្មណ៍លើអ្នកវិញ។ ពេលនោះ វានឹងមានប្រសិទ្ធភាពអស្ចារ្យដូចការណែនាំក្នុងការទិញអ្វីមួយអញ្ជឹង៕

ប្រភព៖ health.com.kh

មុន បន្ទាប់

មតិយោបល់