ទំនាក់ទំនងដ៏មានប្រសិទ្ធភាពជាមួយ “ក្មេងៗ”

ទំនាក់ទំនងដ៏មានប្រសិទ្ធភាពជាមួយ “ក្មេងៗ”

ទំនាក់ទំនងដ៏មានប្រសិទ្ធភាពអាចកើតឡើងនៅពេលមនុស្សទាំងសងខាងមានការចូលរួមនិយាយគ្នាជាមួយការស្តាប់ និងយល់ដឹងអំពីគោលបំណងរបស់អ្នកផ្សេងៗទៀត។ រឿងនេះងាយនឹងបាត់បង់ការយល់ដឹង នៅពេលដែលឪពុកម្តាយ ឬគ្រូបង្រៀនព្យាយាមធ្វើទំនាក់ទំនងជាមួយកូន ឬសិស្សតូចៗ។

ដោយសារតែការសន្ទនាគ្នាច្រើនតែផ្តោតសំខាន់ទៅលើការណែនាំ មនុស្សវ័យកណ្តាលភាគច្រើនតែងតែយករឿងនេះមកនិយាយ។ ក្មេងច្រើនតែងតែមិនដឹងថា ពេលណាត្រូវនិយាយអំពីការយល់ឃើញរបស់ពួកគេ ឬខ្លាចក្នុងការនិយាយតែម្តង ដោយសារតែពួកគេមិនចង់យកឈ្នះ ឬតស៊ូមតិ។

ទំនាក់ទំនងត្រឹមត្រូវមិនកើតមានជាមួយក្មេងទេ រហូតដល់ឪពុកម្តាយ ឬគ្រូបង្រៀនច្បាស់ថា ក្មេងនោះមានការយល់ដឹងនូវអ្វីដែលពួកគេកំពុងតែនិយាយ។ មធ្យោបាយមួយដែលមនុស្សធំអាចដឹងនោះ គឺតាមរយៈការតាមដានលើអាកប្បកិរិយារបស់ក្មេងសម្រាប់ការផ្លាស់ប្តូរជាមូលដ្ឋានលើអ្វីដែលអ្នកបាននិយាយ និងមើលថាតើ ក្មេងនោះបានយកអ្វីខ្លះទៅពិភាក្សាគ្នា។

ទំនាក់ទំនងពិតប្រាកដក៏ចាប់ផ្តើមនៅពេលក្មេងអាចចេះនិយាយឆ្លើយឆ្លងវិញ តាមរបៀបមួយដែលបង្ហាញថា វាជាសញ្ញាដែលពួកគេស្តាប់យល់។ ការស្តាប់ គឺជាវិធីសាស្ត្រពីរ។ វាគឺជារឿងសំខាន់ត្រង់ថា ទាំងមនុស្សធំ និងកូនក្មេងអាចនិយាយឡើងវិញនូវអ្វីដែលបាននិយាយរួច ក្នុងគោលបំណងដើម្បីអោយច្បាស់ថា គ្មានការយល់ច្រឡំ។

ដើម្បីចាប់ផ្តើមក្បួនទំនាក់ទំនងដ៏មានប្រសិទ្ធភាពមួយបាន ឪពុកម្តាយ និងគ្រូបង្រៀនគួរតែផ្តោតសំខាន់ និងដំបូងគេក្នុងការបង្កើតនូវមជ្ឈដ្ឋានដ៏មានសុវត្ថិភាពមួយ។ ក្រៅពីការប្រើប្រាស់កម្លាំងសម្លេងបែបលើកទឹកចិត្ត និងគាំទ្រ ការយកចិត្តទុកដាក់គួរតែកើតមានលើកាយវិការអ្នកដែរ សម្រាប់ជួយអោយក្មេងយល់ថា មនុស្សធំត្រូវបានភ្ជាប់ទំនាក់ទំនងជាមួយនឹងអ្វីដែលក្មេងគួរតែនិយាយ។ ការរក្សានូវខ្សែភ្នែក និងការងក់ក្បាលដើម្បីទទួលស្គាល់ការពិតនូវអ្វីដែលក្មេងកំពុងតែនិយាយ គឺជាមធ្យោបាយដ៏ល្អសម្រាប់ការចាប់ផ្តើម៕

ប្រភព៖ health.com.kh

មុន បន្ទាប់

មតិយោបល់