ឥណ្ឌា៖ កាលពីថ្ងៃពុធមុននេះ គូស្នេហ៍មួយគូ បានបង្កការ ភ្ញាក់ផ្អើល ដល់ភ្ញៀវទេសចរជាខ្លាំង នៅឯតំបន់Taj Nature Walk ដែលស្ថិតនៅ មិនឆ្ងាញ ប៉ុន្មាន ពីតំបន់បេតិកភណ្ឌ ពិភពលោក The Taj Mahal ។

ការភ្ញាក់ផ្អើលនេះ ដោយសារតែ គូស្នេហ៍នេះ បានអារបំពង់ក សម្លាប់ខ្លួនឯង ក៏ព្រោះ ម្ដាយឪពុក ទាំងសងខាង បដិសេធ មិនឲ្យរៀបការ។ តាមប្រភពព័ត៌មាន បានឲ្យដឹងថា​ Rajveer Singh អាយុ ២៥ឆ្នាំ គឺជាអ្នករស់នៅ ក្នុងទីក្រុង  Dehradun រដ្ឋ Uttarakhand ប្រទេសឥណ្ឌា ជាអ្នកកាន់ សាសនា ហិណ្ឌូ ខណៈនាង  Shabnam Ali មកពី ទីក្រុង​Karbala នៃប្រទេសអ៊ីរ៉ាក់ ជានារីមូស្លីម។ ក្រោយពីអ្នកទាំងពីរ អារក សម្លាប់ខ្លួនរួច ក៏ត្រូវបាន សន្ដិសុខយាមកាម នៅទីនោះ ឃើញ និងបញ្ជូនមក កាន់មន្ទីរពេទ្យ ដែលនាពេលនេះ ពួកគេ កំពុងតែ ស្ថិតនៅក្នុង អាការៈធ្ងន់ធ្ងរ។ 

តាមសម្ដីរបស់ ប៉ូលីសដែលធ្វើការដកស្រង់ និងសួរទៅកាន់ អ្នកទាំងពីរ នៅក្នុងមន្ទីរពេទ្យ បានឲ្យដឹងខ្លះៗថា អ្នកទាំងពីរ បានព្យាយាម ពន្យល់ប្រាប់ ឪពុកម្ដាយ ទាំងសងខាង ពីទំនាក់ទំនងពួកគេ និងសុំការអនុញ្ញាត ឲ្យពួកគេ រៀបការ តែបែរជាមិនបាន សម្រេ​ច ដោយសារតែ រឿង សាសនាជាបញ្ហាធំ។ ជាចុងក្រោយពួកគេ គ្មានជម្រើសផ្សេងណា ទៀតនោះទេ សូម្បី ចង់ឲ្យ ឪពុកម្ដាយទាំងសងខាង ធ្វើការណាត់ជួបគ្នានោះ ក៏មិនបានដែរ ហើយបងប្អូន ក៏មិនជួយអ្នកទាំង ពីរដូចគ្នា៕

តំបន់បេតិកភណ្ឌ ពិភពលោក The Taj Maha
រូបភាព Rajveer Singh និងនាង Shabnam Ali 

ប្រភពពី បរទេស

កែសម្រួលដោយ ម៉ា

ខ្មែរឡូត