ចាប់ខ្លួនយុវជនម្នាក់ពាក់ព័ន្ធ បរិហាកេរ្តិ៍ និងគំរាមតាមហ្វេសប៊ុក

ចាប់ខ្លួនយុវជនម្នាក់ពាក់ព័ន្ធ បរិហាកេរ្តិ៍ និងគំរាមតាមហ្វេសប៊ុក

ខេត្តបន្ទាយមានជ័យ ៖ យុវជនម្នាក់ព្រោះតែស្រឡាញ់កូនក្រមុំរបស់គេមិនបាន បានយក រូបអាសអាភាសកាត់ត និងគំរាម ព្រមទាំងបរិហារ កេរ្តិ៍តាម ប្រព័ន្ធហ្វេសប៊ុក ដែលធ្វើឲ្យប៉ះពាល់ យ៉ាងធ្ងន់ធ្ងរ ដល់កិត្តិយសគ្រួសារ ខាងស្រី ត្រូវបានសមត្ថកិច្ច នគរបាលការិយាល័យ ព្រហ្មទណ្ឌកម្រិតស្រាល សហការជាមួយ កម្លាំងនគរបាលប៉ុស្តិ៍រដ្ឋបាលអូរអំបិល ដឹកនាំដោយ លោកវរសេនីយ៍ឯក សិទ្ធ ឡោះ ស្នងការរង និងជាប្រធាន ការិយាល័យកណ្តាលនគរបាល ព្រហ្មទណ្ឌ ធ្វើការស្រាវជ្រាវ ចាប់ឃាត់ខ្លួនបាន កាលពីវេលាម៉ោង៥ និង៣០នាទីល្ងាច ថ្ងៃទី០៩ខែសីហា ឆ្នាំ២០១៥ នៅចំណុចភូមិគាប សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ រួចបញ្ជូនមក សាកសួរនៅស្នងការដ្ឋាន នគរបាល ខេត្តបន្ទាយមានជ័យ ។

លោកវរសេនីយ៍ឯក សិទ្ធ ឡោះ បានឲ្យដឹងថា យុវជនជាប់ចោទឈ្មោះ ញឹម ចាន់ណា អាយុ២៧ឆ្នាំ រស់នៅភូមិគាប សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។ ចំណែកនារីដែល ត្រូវជននេះគំរាមកំហែង និងបង្ហាញនៅ ទីសាធារណៈនូវរូបភាព និងសម្ភារៈ អាសអាភាសនោះ អាយុ២០ឆ្នាំ នៅភូមិ/សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។