អូស្ត្រាលី៖ តារាម៉ូដែលអូស្ត្រាលីម្នាក់ បានធ្វើឲ្យមនុស្សជាច្រើន មានការភ្ញាក់ផ្អើល បន្ទាប់ពីនាង បានអះអាងថា កីឡាករបាល់ទាត់ ដ៏ល្បីរបស់ពិភពលោក Cristiano Ronaldo ផ្ញើរសារសុំស្នេហ៍ និងទទូចចង់ជួបរូបនាងយ៉ាងខ្លាំង បើទោះជានាង ធ្លាប់បានប្រាប់ថាខ្លួន មានមិត្តប្រុសរួចហើយ យ៉ាងណាក៏ដោយ។

យោងតាមប្រភព ព័ត៌មានបានឲ្យដឹងថា តារាម៉ូដែល សម្រស់ស្អាតមិនធម្មតា ជនជាតិអូស្ត្រាលី Aline Lima បានអះអាងថាខ្លួនត្រូវបាន Cristiano Ronaldo កីឡាករបាល់ទាត់ វ័យ៣០ឆ្នាំ របស់ក្លឹបយក្សអេស្ប៉ាញ Real Madrid ផ្ញើរសារតាមរយៈ បណ្តាញសង្គម ​ប្រាប់ថារូបគេ មានចិត្តស្រលាញ់ និងចង់ជួបរូបនាង ហើយក៏មិនប្រកាន់បើទោះជា នាងមានមិត្តប្រុស រួចហើយក៏ដោយ និងព្រមទាំងសុំឲ្យនាង ផ្ញើររូបភាពដែលនាង បានថតនៅឯកន្លែងហាត់ប្រាណ ទៅឲ្យរូបគេទៀតផង។

Cristiano Ronaldo តារាបាល់ទាត់ដ៏ល្បី របស់ក្លឹបយក្សអេស្ប៉ាញ Real Madrid

ក្នុងនោះ Lima ក៏បានលើកឡើងទៀតថា នាងបានបដិសេធ ការស្នើសុំជួបរបស់ Ronaldo ជាច្រើនលើកមកហើយ និងព្រមទាំងបានបញ្ជាក់ថា ខ្លាចចិត្តមិត្តប្រុសរបស់ខ្លួន ដែលមានឈ្មោះថា Alex និងជាអ្នកគាំទ្រ ក្លឹបបាល់ទាត់ Real Madrid មួយរូបដែរនោះ មិនសប្បាយចិត្ត ចំពោះទង្វើបែបនេះ។

យ៉ាងណាមិញ មិនទាន់មានប្រតិកម្មណាមួយ ពីសំណាក់តារាបាល់ទាត់ដ៏ល្បីរូបនេះ ជុំវិញការលើកឡើង របស់តារាម៉ូដែលនាង Lima នៅឡើយទេ។ គួរបញ្ជាក់ផងដែរថា ព័ត៌មានដ៏រសើប រវាងទំនាក់ទំនងរបស់ តារាទាំង២នេះ គឺចាប់ផ្តើមមានឡើង ជាហូរហែរបន្ទាប់ពី Ronaldo បានបែកបាក់ជាមួយ នឹងអតីតគូស្នេហ៍ ដ៏ស្រស់ស្អាតរបស់ខ្លួន និងជាតារាម៉ូដែលដ៏ល្បី គឺនាង Irina Shayk កាលពីដើមឆ្នាំនេះ៕

សម្រស់របស់នាង ALine Lima បែបណាទៅ ទើបធ្វើឲ្យ CR7 តាមស្រលាញ់ដល់ថ្នាក់បែបនេះ៖

ប្រភព៖ បរទេស

ដោយ៖ សុជាតិ

ខ្មែរឡូត