រតនគិរី៖ គ្រោះថ្នាក់ចរាចរណ៍មួយ បានកើតឡើង ដោយសារតែ រថយន្ត និងម៉ូតូប៉ះគ្នា ខណៈធ្វើដំណើរស្របទិសគ្នា បណ្តាលឲ្យ យុវជនពីរនាក់ ម្នាក់របួសដាច់មេ ជើងខាងស្តាំ និង ម្នាក់ទៀតរបួសស្រាល ។ ហេតុការណ៍នេះបាន កើតឡើងកាលពី វេលាម៉ោង ៣និង៣៥នាទី រសៀល ថ្ងៃទី១៤ ខែសីហា ត្រង់ចំណុចផ្លូវ បែកជា៣ស្ថិត ក្នុងភូមិទេសអន្លង់ សង្កាត់បឹងកន្សែង ក្រុងបានលុង ខេត្តរតនគិរី។

ភ្លាមៗនោះដែរ សមត្ថកិច្ចមូលដ្ឋាន និងនគរបាល ចរាចរណ៍នៃ ស្នងការ នគរបាលខេត្ត អន្តរាគមន៍បញ្ជូនជនរងគ្រោះ ទៅសង្គ្រោះបន្ទាន់ នៅមន្ទីរពេទ្យបង្អែក ខេត្តរតនគិរី។ សមត្ថកិច្ចមូលដ្ឋាន ដែលចុះអន្តរាគមន៍ ប្រាប់ឲ្យដឹងថា រថយន្តមាន ម៉ាកកាមរីហើម ពណ៌ស្លែ ពាក់ស្លាកលេខឆ៩១១៧ភព២ និងអ្នកបើកបរឈ្មោះ ខាត់ បូទី និងអ្នកជិៈម៉ូតូ២នាក់ (មិនស្គាល់ អត្តសញ្ញាណ) ម៉ាកវ៉េវ ពណ៌ក្រហម គ្មានស្លាកលេខ មានទិសដៅពីជើងទៅត្បូង (ស្របទិសគ្នា)។

 បើតាមប្រជាពលរដ្ឋ នៅក្បែរកន្លែងកើតហេតុ ប្រាប់ឲ្យដឹងថា ពួកគាត់បានឃើញ រថយន្តធ្វើ ដំណើរ ពីជើងទៅត្បូងក្នុងល្បឿនយឺត មកដល់ផ្លូវ បែកជា៣ ស៊ីញ៉ូបត់ត្រឡប់ក្រោយ ស្របពេល យុវជន២នាក់ ខាងលើ ជិៈម៉ូតូក្នុងល្បឿនលឿន ប៉ះនិងរថយន្តបណ្តាលឲ្យ ដួលតែម្តង។

ករណីគ្រោះថ្នាក់ចរាចរណ៍នេះ ប្រជាពលរដ្ឋក្បែរកន្លែងកើតហេតុ សម្តែង ការហួសចិត្ត និងយុវជនពីរនាក់នេះ ក្រោកឈរឡើង ទាំងខ្លួន មានរបួសប្រុង វ៉ៃអ្នកបើក រថយន្តដោយសារតែ អ្នកបើករថយន្តនោះអង្វរពួកគេ ឲ្យទៅពេទ្យ៕

ផ្តល់សិទ្ធដោយ ដើមអម្ពិល