ភ្នំពេញ៖ អគ្គិភ័យដ៏សន្ធោរសន្ធៅ ដែលឆាបឆេះផ្ទះ ប្រជាពលរដ្ឋនៅខាងក្រោយយឿត្រី ក្នុងសង្កាត់ច្បារអំពៅទី២  ខណ្ឌច្បារអំពៅ ត្រូវបានបាញ់ ពន្លត់ឲ្យរលត់ទៅវិញទាំង ស្រុងហើយ នៅម៉ោង ១២ថ្ងៃទី២៥ ខែសីហា ឆ្នាំ២០១៥  បន្ទាប់ពីការ អន្តរាគមន៍របស់ កម្លាំងពន្លត់អគ្គិភ័យ និងសមត្ថកិច្ចពាក់ព័ន្ធ អស់រយៈពេល ជិតមួយម៉ោង។

អភិបាលរាជធានីភ្នំពេញ លោក ប៉ា សុជាតិវង្ស បានប្រាប់ឲ្យដឹងថា គ្រោះអគ្គិភ័យ បានបំផ្លាញផ្ទះ ប្រជាពលរដ្ឋខ្នងតូចៗអស់ ៣៦ខ្នង។

បើតាមការបញ្ជាក់របស់អាជ្ញាធរមូលដ្ឋាន បានឲ្យដឹងថា ផ្ទះដែលរងការឆាបឆេះនេះ ភាគច្រើនជា ផ្ទះរបស់ជនជាតិ វៀតណាម ហើយប្រតិបត្តិការបាញ់ ពន្លត់អគ្គិភ័យនេះ ប្រើរថយន្តពន្លត់ អគ្គិភ័យចំនួន ២៣គ្រឿង។

សូមបញ្ជាក់ថា គ្រោះអគ្គិភ័យឆាបឆេះប្រជាពលរដ្ឋនៅខាងក្រោយយឿង ត្រីច្បារអំពៅនេះ បានកើតឡើងនៅវេលាម៉ោង  ប្រមាណ ១១ និង១០នាទីព្រឹកថ្ងៃទី២៥ ខែសីហា ឆ្នាំ២០១៥នេះ។ សមត្ថកិច្ចមិនទាន់បានបញ្ជាក់ ពីមូលហេតុ នៃ ការឆាបឆេះនេះ នៅឡើយទេ៕

ផ្តល់សិទ្ធដោយ ដើមអម្ពិល