ចោរប្លន់ជើងចាស់ ប៉ះប៉ូលិសជើងយូរ ក្របួចវាយខ្នោះផ្អើលភ្នំពេញ

ចោរប្លន់ជើងចាស់ ប៉ះប៉ូលិសជើងយូរ ក្របួចវាយខ្នោះផ្អើលភ្នំពេញ

រាជធានីភ្នំពេញ ៖ ជនសង្ស័យជើងចាស់ម្នាក់ជាមុខសសញ្ញាចោរប្លន់ ប្រដាប់អាវុធ តែងតែប្លន់យក ម៉ូតូនៅពេលយប់កក្រើក រាជធានីភ្នំពេញនោះ ត្រូវបានកម្លាំង នគរបាលខណ្ឌចំការមន ស្រាវជ្រាវចាប់ខ្លួន នៅក្នុងបន្ទប់ផ្ទះជួលមួយកន្លែង កាលពីវេលាម៉ោង ៩និង៣០នាទីព្រឹកថ្ងៃទី២៥ កញ្ញា ២០១៥ ស្ថិតនៅក្នុង ខណ្ឌចំការមន ក្រោយពីមានការចង្អុលបង្ហាញពី សំណាក់ជនរងគ្រោះ ជាច្រើននាក់រួចមក ។

មន្ត្រីនគរបាល បានឱ្យដឹងថា ជនសង្ស័យឈ្មោះ ស៊ូ សុភ័ក្ត្រ អាយុ៣២ឆ្នាំ មុខរបរមិន ពិតប្រាកដ ស្នាក់នៅផ្ទះជួលគ្មានលេខមួយ កន្លែង តាមបណ្តោយ ផ្លូវវ៉េងស្រេង ភូមិថ្មគោល១ ក្នុងសង្កាត់ចោមចៅ ខណ្ឌពោធិសែនជ័យ ។

ប្រភពដដែលបានបន្តថា ជាពិសេស ក្រោយពីមានពាក្យបណ្តឹងពីជនរងគ្រោះម្នាក់ កាលពីវេលា ម៉ោង៥និង២០នាទីយប់ថ្ងៃទី១៣ កញ្ញា ២០១៥ កន្លងមកនេះ ទើបកម្លាំង នគរបាល ខណ្ឌចំការមន ធ្វើការស្រាវជ្រាវ និងឈានទៅឃាត់ខ្លួនជនសង្ស័យជា មុខសញ្ញាជើងចាស់ ខាងលើតែម្តង ។ នាពេលកន្លងមក ជនសង្ស័យ និងបក្សពួកតែងតែប្រើអាវុធខ្លីធ្វើ សកម្មភាពភ្ជង់ប្លន់យក ម៉ូតូពីជនរងគ្រោះនៅ ពេលយប់ ក្នុងភូមិសាស្ត្រ ខណ្ឌចំការមន ក៏ដូចជានៅក្នុង រាជធានីភ្នំពេញផងដែរ ។

ក្រោយពីបានឃាត់ខ្លួនជនសង្ស័យត្រូវបាននគរបាលខណ្ឌចំការមន នាំខ្លួនទៅ សាកសួរ ដើម្បីកសាងសំណុំរឿងបញ្ជូនទៅ សាលាដំបូង រាជធានីភ្នំពេញ ចាត់ការតាមផ្លូវច្បាប់ ។ ហើយសមត្ថកិច្ចបាន និងកំពុងធ្វើការ ស្រាវជ្រាវជាបន្តទៀត ដើម្បីតាមប្រមាញ់ បក្ខពួកដែល នៅសេសសល់ មួយចំនួនទៀតផងដែរ ៕