ចិន៖ នេះជារឿងដ៏ហួសចិត្ដ ដែលក្មេងៗមិនខិតខំប្រឹងរៀនសូត្រ តែបែរជាចំណាយ ពេលវេលាទៅលើ រឿងគ្មានប្រយោជន៍ ដូចជា ក្មេងស្រីអាយុ ១៤ឆ្នាំ ម្នាក់ បែរជាត្រូវបាន មនុស្សមួយក្រុម វ័យក្មេងៗដូចគ្នា ចំនួន ៦នាក់ វ៉ៃ នាងអស់ពេល ៣ម៉ោង ដោយសាររឿងហៅឈ្មោះ។ 

យ៉ាងណាមិញ សកម្មភាពវ៉ៃក្មេងស្រីខាងលើនេះ ត្រូវបាន ថតឡើងជាវីដេអូ និងអាចបង្ហាញថា ទីតាំងដែលវ៉ៃគ្នានេះ គឺស្ថិតនៅ លើដំបូលអគារ មួយ ស្ថិតនៅក្នុងទីក្រុង Nanchang ខេត្ដ Jiangxi ។ តាមប្រភពព័ត៌មាន បានឲ្យដឹងថា ក្មេងស្រីរងគ្រោះខាងលើ ដែលមានឈ្មោះ Li Xiaoyan និងមានវ័យ១៤ឆ្នាំរូបនេះ បានបញ្ជាក់ថា នាងស្គាល់អត្តសញ្ញាណ អ្នកដែលវាយប្រហារមក លើរូបនាង ហើយនាងយល់ថា មូលហេតុដែលពួកគេធ្វើ សកម្មភាពបែបនេះ មកលើរូបនាង ដោយសារតែ នាងហៅឈ្មោះពួកគេ។ នៅក្នុងនោះ Li បាននិយាយប្រាប់ប៉ូលីសថា នាងទើបតែមកពីរៀន នៅពេលដែល ពួកគេ អូសនាងឡើងមកដំបូលអគារ ហើយនាងត្រូវបានពួកគេ វាយនាងយ៉ាង ទក់សាច់តែម្ដង។ 

នេះបើតាមវីដេអូ អាចបង្ហាញឲ្យឃើញថា ក្មេងស្រីរងគ្រោះ ត្រូវគេ ទះកំផ្លៀង យ៉ាងហោចណាស់ ៣២ដង ក្នុងមួយនាទី ហើយនាងបាន រងរបួសដោយ ឈាមច្រមុះ និងត្រូវបាន បញ្ជូនទៅកាន់ មន្ទីរពេទ្យ ដើម្បីធ្វើការព្យាបាល តែអាការៈមិនសូវ ធ្ងន់ធ្ងរនោះទេ។

នាពេលនេះប៉ូលីសកំពុងតែធ្វើការសើុបអង្កេត ស្វែងរកមុខ អ្នកវាយប្រហារនាង៕

វីដេអូ៖

ប្រភពពី បរទេស

កែសម្រួលដោយ ម៉ា

ខ្មែរឡូត