កំពង់ចាម ៖ ក្នុងរយៈពេល៤ថ្ងៃ គិតមកត្រឹមថ្ងៃចន្ទទី២៦ ខែតុលា ឆ្នាំ២០១៥នេះ សាខាគយ និងរដ្ឋាករខេត្តកំពង់ចាម បានបង្ក្រាបរថយន្តអត់ពន្ធ ចំនួន២គ្រឿង ខណៈកំពុងចរាចរ តាមដងផ្លូវ ក្នុងខេត្តកំពង់ចាម ។

មន្ត្រីសាខាគយ និងរដ្ឋាកខេត្តកំពង់ចាម បានប្រាប់ឲ្យដឹងថា រថយន្តចំនួន២គ្រឿង ត្រូវបានបង្ក្រាបនោះ១គ្រឿង ម៉ាក INFINITI ពណ៌ខ្មៅ និង១គ្រឿងទៀត ម៉ាក VIGO HILUX  ពណ៌ទឹកប្រាក់ចង្កូតស្តាំ។

បច្ចុប្បន្ន រថយន្តទាំង២គ្រឿងនោះ ត្រូវបានរក្សាទុក្ខនៅទីស្នាក់ការ សាខាគយ និងរដ្ឋាក ខេត្តកំពង់ចាមនិងកសាងសំណុំរឿងបញ្ជូនទៅថ្នាក់លើដើម្បីចាត់ទៅតាមនិតិវិធី។