សហរដ្ឋអាមេរិក៖ កាលពីពេលថ្មីៗនេះ រឿងហេតុដ៍គួរឲ្យហួសចិត្តមួយ បានកើតឡើង ចំពោះនារីរូបស្រស់ម្នាក់ ដោយនាង បានឡើងជិះ ម៉ាស៊ីនបង្វិល (ម៉ាស៊ីនសម្រាប់ ជិះកំសាន្ត វិលចុះវិញឡើង) ជាមួយនឹង មិត្តប្រុស របស់នាង ទាំងមិនមាន ស្លៀកខោក្នុងឡើយ ខណៈនាងប្រឹងទប់ខ្លួនពេក ស្រាប់តែរបូតខោ លេចកេរ្តិ៍ខ្មាស ដាក់មនុស្សជាច្រើន ដែលកំពុងតែឈរមើល តែម្តង ប៉ុន្តែសំណាងល្អ ត្រូវមិត្តប្រុស របស់នាង ព្យាយាមជួយ បិទបាំង បានខ្លះៗវិញ។

យោងតាមប្រភពព័ត៌មាន បានឲ្យដឹងថា គូស្នេហ៍មួយគូនោះ បានទៅជិះកំសាន្ត នូវម៉ាស៊ីនបង្វិល ដែលមានឈ្មោះថា “La Tagada” ក្នុងពិធីបុណ្យ Zapote Festival របស់ប្រទេសកូស្តារីកា ដែលបានធ្វើឡើង នៅក្នុងទីក្រុង San Jose រដ្ឋ California សហរដ្ឋអាមេរិក ប៉ុន្តែចៃដន្យអាក្រក់ បែរជាជួបរឿងហេតុ បែបនេះទៅវិញ។

គួរឲ្យដឹងថា ពិធីបុណ្យ Zapote Festival នេះ ចាប់ផ្តើមធ្វើឡើង ពីថ្ងៃទី ២៥ ខែធ្នូ រហូតដល់ ថ្ងៃទី ៣ ខែមករា ដោយបាន ទាក់ទាញមនុស្ស ចំនួនប្រមាណ ២៥,០០០នាក់ ជារៀងរាល់ថ្ងៃ ផងដែរ។

គួរបញ្ជាក់ផងដែរថា ម៉ាស៊ីនបង្វិល La Tagada នឹងបង្វិល គ្រលែងមនុស្ស ដែលជិះនៅលើនោះ ទៅលើអាកាស តែម្តង ប្រសិនបើ តោងមិនជាប់ ឬព្យាយាមឈរ។

បើតាមខ្សែវីដេអូ ដែលត្រូវបានថត ដោយអ្នកនៅក្បែរ កន្លែងកើតហេតុ បានបង្ហាញឲ្យឃើញថា នារីរូបស្រស់នោះ មិនអាចយកដៃ ទៅលើកខោនាង ឡើងមកលើវិញបានឡើយ ដោយសារតែ ដៃទាំង២របស់នាង កំពុងតែតោងជាប់ ទៅនឹងរបង នៃម៉ាស៊ីនបង្វិលនោះ បើមិនដូច្នោះទេ នាងនឹងត្រូវគ្រលែង ទៅលើអាកាស ជាមិនខាន។

ជាមួយគ្នានេះដែរ មិត្តប្រុសរបស់នាង ក៏បានព្យាយាម ទាញខោនាង ឲ្យឡើងមកលើវិញដែរ ប៉ុន្តែធ្វើមិនបាន ដោយសារតែ មិនហ៊ានប្រលែងដៃ ចេញពីរបង នៃម៉ាស៊ីននោះដែរ ព្រោះខ្លាចទទួលលទ្ធផល កាន់តែអាក្រក់ ជាងនេះ៕

តោះ! ទៅទស្សនាទិដ្ឋភាព ដ៏គួរឲ្យហួសចិត្តនោះ ទាំងអស់គ្នា៖

ប្រភព ៖ បរទេស

ដោយ ៖ ប៊ី

ខ្មែរឡូត