ភ្នំពេញ៖ យុវជន ៣នាក់ ដែលមានវ័យក្មេងល្ហក់ ត្រូវបានកងកម្លាំង មានសមត្ថកិច្ច ឃាត់ខ្លួននៅម៉ោងប្រមាណ ជា២និង៥៥នាទី រសៀលថ្ងៃទី១០ ខែមករា ឆ្នាំ២០១៦នេះ ក្រោយពីពួកគេបាន យកកាំភ្លើងភ្ចងប្លន់ម៉ូតូ នៅចំណុចផ្លូវលេខ១៣៩ កែងផ្លូវ១៦៤ ព្រំប្រទល់សង្កាត់មិត្តភាព និងសង្កាត់មនោរម្យ ។

ពួកគេបានយកកាំភ្លើងភ្ចង់ យកម៉ូតូនៅមុខ សាលាជ័យថាវី ក្រោយពីប្លន់មិនបានសម្រេច ពួកខ្លួនក៏បានផ្តួលម៉ូតូ រត់យករួចខ្លួន ក៏ត្រូវបានជនរងគ្រោះស្រែក ហើយសមត្ថកិច្ច ក៏តាមប្រដេញនៅចំណុច ដូចខាងលើ។

សមត្ថកិច្ចរឹបអូសកាំភ្លើងខ្លីប្រើហ្គាសមួយដើម ដាវស៊ាំមូរ៉ៃមួយដើម កាំបិទប៉័ងត១ ម៉ូតូ២គ្រឿង មួយសងប៉ិច និងមួយទៀតម៉ាក់ណិច ។ បច្ចុប្បន្នមនុស្ស និងវត្ថុតាងបញ្ជូនទៅបញ្ជាការដ្ឋានខណ្ឌ។

ពួកគេទាំង៤មានឈ្មោះ ចាន់ សេដ្ឋារាជ , ហួត សុខមាន , សុខ រក្សា អាយុ១៦មុខជាសិស្សសាលាស្នាក់នៅសង្កាត់ឫស្សីកែវ  ខណ្ឌឫស្សីកែវ និងឈ្មោះ ម៉ា ដុំដី អាយុ១៦ ឆ្នាំមុខរបរសិស្សសាលាសន្ធរមុខ ស្នាក់នៅផ្លូវរថភ្លើងសង្កាត់ស្រះចកដូនពេញ៕

ផ្តល់សិទ្ធដោយ ដើមអម្ពិល