អង់គ្លេស៖ យោងតាមប្រភពព័ត៌មាន បានឲ្យដឹងថា លោក Alan Rickman ដែលជាតួសម្តែងប្រុស ដ៏ល្បីឈ្មោះ សញ្ជាតិអង់គ្លេស និងដើរតួ ជាសាស្រ្តាចារ្យ Severus Snape ក្នុងខ្សែភាពយន្ត Harry Potter បានស្លាប់បាត់បង់ជីវិត កាលពីថ្ងៃព្រហស្បត្តិ៍ ទី១៤ ខែមករា ឆ្នាំ២០១៦ ម្សិលមិញនេះ នៅអាយុ ៦៩ឆ្នាំ ក្នុងទីក្រុង London ចក្រភពអង់គ្លេស ដោយសារតែ ជំងឺមហារីក។

លោក Alan Rickman ក្នុងខ្សែភាយន្ត Harry Potter

បើតាមសេចក្តីថ្លែងការណ៍ របស់ក្រុមគ្រួសារ លោក Alan Rickman ក៏បានបញ្ជាក់ ផងដែរថា «តួសម្តែង និងជាអ្នកដឹកនាំរឿង លោក Alan Rickman បានស្លាប់ ដោយសារតែ ជំងឺមហារីក នៅអាយុ ៦៩ឆ្នាំ»។

គួរបញ្ជាក់ផងដែរថា លោក Alan Rickman បានកើត នៅថ្ងៃទី២១ ខែកុម្ភៈ ឆ្នាំ១៩៤៦ ក្នុងស្រុក Hammersmith នៃទីក្រុង London ចក្រភពអង់គ្លេស។ ក្រៅពីសម្តែង នៅក្នុងខ្សែភាពយន្ត Harry Potter លោក Alan ក៏ធ្លាប់បានសម្តែង នៅក្នុងខ្សែភាពយន្តល្បីៗ ដូចជា «Love Actually (ឆ្នាំ២០០៣)», «Robin Hood: Prince Of Thieves (ឆ្នាំ១៩៩១)», «Die Hard (១៩៨៨)», «Truly, Madly Deeply (ឆ្នាំ១៩៩០)», «Romeo and Juliet (ឆ្នាំ១៩៧៨)» និងខ្សែភាពយន្ត ជាច្រើនផ្សេងទៀត ផងដែរ៕

រូបភាព លោក Alan Rickman ក្នុងឈុតមួយ នៃរឿង Harry Potter ដែលគេ បានយកទៅ Troll

ប្រភព ៖ បរទេស

ដោយ ៖ ប៊ី

ខ្មែរឡូត