ក្មេងស្រីអាយុ៣ឆ្នាំ លង់ទឹកស្រះដាក់ព្រះភូមិស្លាប់ ខណៈឪពុកម្តាយទុកឲ្យនៅផ្ទះម្នាក់ឯង

ក្មេងស្រីអាយុ៣ឆ្នាំ លង់ទឹកស្រះដាក់ព្រះភូមិស្លាប់ ខណៈឪពុកម្តាយទុកឲ្យនៅផ្ទះម្នាក់ឯង

ខេត្តឧត្តរមានជ័យ ៖ ក្មេងស្រីអាយុ៣ឆ្នាំម្នាក់ បានលង់ទឹកស្រះដាក់ព្រះភូមិស្លាប់ ខណៈឪពុកម្តាយជាប់រវល់រៀងៗខ្លួន ទុកកូនឲ្យនៅផ្ទះម្នាក់ឯង ដែលហេតុការណ៍មិនគួរឲ្យកើតមាននេះកើតឡើង កាលពីវេលាម៉ោង៧ និង៣០នាទីព្រឹក ថ្ងៃទី២៣ ខែមករា ឆ្នាំ២០១៦ នៅភូមិយាងខាងជើង ឃុំអន្លង់វែង ស្រុកអន្លង់វែង ខេត្តឧត្តរមានជ័យ ។

លោក តេង ឡេង អាយុ៤៦ឆ្នាំ ត្រូវជាឪពុកក្មេងស្រីរងគ្រោះ បានរៀបរាប់ថា រូបគាត់មានកូន៥នាក់ (ស្រីម្នាក់) មុនពេលកើតហេតុ គាត់ជាឪពុកបានយកគោទៅចងនៅឯវាលស្រែ ខាងក្រោយផ្ទះ ចំណែកប្រពន្ធជាប់រវល់យកបន្លែទៅលក់នៅឯទីផ្សារអន្លង់វែងថ្មី ដោយទុកកូនស្រីអាយុ៣ឆ្នាំ នៅផ្ទះម្នាក់ឯងរត់លេងកូនបាល់ ។

ឪពុកក្មេងស្រីរងគ្រោះបន្តថា នៅពេលគាត់ចងគោរួចក៏វិលមកផ្ទះវិញ ស្រាប់តែបាត់កូន ហើយដើររកមិនឃើញ ឃើញតែបាល់ ដែលកូនលេងនៅក្នុងទឹកស្រះដាក់ព្រះភូមិ ដែលមានជម្រៅ ជាង១ម៉ែត្រ គាត់ក៏បានចុះទៅរាវមើលស្រាប់តែប្រទះឃើញ កូនលង់ទឹកស្លាប់បាត់បង់ជីវិតទៅហើយ ហើយក៏បានរាយការណ៍ប្រាប់សមត្តកិច្ចឲ្យបានដឹង ។

លោកវរសេនីយ៍ត្រី ស៊ូ នូវ អធិការងនគរបាលស្រុកអន្លង់វែង បានឲ្យដឹងថា បន្ទាប់ពីបានទទួលបានព័ត៌មានរាយការណ៍ពីឪពុកម្តាយក្មេងរងគ្រោះថា កូនស្រីបានលង់ទឹកស្លាប់ សមត្ថកិច្ចបានចុះទៅធ្វើការពិនិត្យឃើញថា ក្មេងស្រីរងគ្រោះ ពិតជាលង់ទឹកស្លាប់ពិតប្រាកដមែន ហើយប្រគល់សពក្មេងទៅឲ្យឪពុកម្តាយធ្វើបុណ្យតាមប្រពៃណី ៕
ADS-HERE