កូរ៉េខាងត្បូង៖ កូរ៉េខាងត្បូង គឺជាប្រទេសដ៏ទំនើបស៊ីវីល័យ និងសំបូរទៅដោយគ្រឿង តុបតែងខ្លួនជាច្រើន ព្រមទាំងអាហារឆ្ងាញ់ៗ ផងដែរ។ បើទោះបីជាអាហារនៅកូរ៉េមានលក្ខណៈពិសេស និងឆ្ងាញ់ៗជាច្រើនដូចជា  Bibimbap (ដូចរូបខាងក្រោម) និង ddeokbokki (ដូចរូបខាងក្រោម)ជាដើម តែក៏មានអាហារមួយចំនួន ដែលមិនសូវមានភាពទាក់ទាញ និងមិនសូវមានគេចូល ចិត្តទទួលទានផងដែរ។

រូបភាព អាហារឈ្មោះ  ddeokbokki 

រូបភាពអាហារ  Bibimbap 

ជាការពិតណាស់ នាពេលថ្មីៗនេះនៅក្នុងបណ្តាញសង្គមក្នុងប្រទេសកូរ៉េខាងត្បូង កំពុងតែមាន ការចាប់អារម្មណ៍ខ្លាំង ពីប្រភេទអាហារ ដែលប្រជាជនរបស់ពួកគេ មិនសូវចូលចិត្តបរិភោគ ដោយសារមើលទៅ ដូចជាញញើតៗ ដែលស្រាប់តែតារាស្រីកំពូល សម្រស់ទាំង ៣នាក់ គឺកញ្ញា Suzy, IU,និង Seolhyun បែរចូលចិត្តបិភោគអាហារទាំងនោះ ទាំងមិនញញើតនឹងញ៉ាំវាឡើយ ទើបធ្វើឲ្យអ្នកគាំទ្រជាច្រើន សាកល្បងព្យាយាមញ៉ាំតាមពួកគេ។

បើចង់ដឹងឲ្យកាន់តែច្បាស់ថា សូមទស្សនារូបភាពខាងក្រោមទាំងអស់គ្នា៖

1). ពងទាកូន ( រូបខាងក្រោមនេះជារូប កញ្ញា Seolhyun បានញ៉ាំវានៅឯប្រទេសឡាវ)

2). មឹករស់ 

3). ថ្លើមគោឆៅ

4). ជើងមាន់

5). ត្រសក់

ងាកមកប្រទេសកម្ពុជាវិញ អាហារខាងលើ (លើកលែងថ្លើមគោឆៅ និងមឹករស់) មិនត្រូវបានយល់ថា ជាប្រភេទអាហារដែលមិនចូលចិត្ដ ទទួលទាននោះទេ ដែលបែរជា អាហារដែលយុវវ័យកំពុងតែពេញនិយម ទៅវិញ៕

ប្រភព៖ Koreaboo

ខ្មែរឡូត