ភ្នំពេញ៖ កញ្ញា គង់ វង្សយ៉ាទី ត្រូវបានមហាជនមួយចំនួនស្គាល់ នាងថាជាតារាសម្តែងដ៏មានប្រជាប្រិយភាពម្នាក់ ក្នុងស្រទាប់យុវវ័យ កាលពីច្រើនឆ្នាំមុន ប៉ុន្តែមិនថាយ៉ាងណា ស្រាប់តែសុខៗ នាងក៏បានសម្រេចចិត្តផ្អាកពីវិថីសិល្បៈ ទាំងមិនដឹងមូលហេតុ ដោយនាងបានងាកមកធ្វើកិច្ចការងារសង្គមជាញឹកញាប់វិញ។

ដោយឡែក កាលពីម្សិលមិញនេះផងដែរ គេបានសង្កេតឃើញថា កញ្ញា គង់ វង្សយ៉ាងទី បានប្រារព្ធធ្វើពិធីខួបកំណើតរបស់នាង នៅក្នុងភោជនីយ៍ដ្ឋានប្រណិតលំដាប់មួយកន្លែង បែបស្ងប់ស្ងាត់ និងអញ្ជើញតែមនុស្សជិតដិត ក៏ដូចជាមិត្តភក្តិសិល្បៈមិនប៉ុន្មាននាក់តែប៉ុណ្ណោះ ពោលគឺមានតែវត្តមានមិត្តសិល្បៈតែ២នាក់ប៉ុណ្ណោះ ដែលចូលរួមដូចជាកញ្ញា  ម៉ាក សែនសូនីតា និងកញ្ញា សំ ម៉ាណា។

ប៉ុន្តែទោះជាយ៉ាងណា បើងាកមកមើលទៅសម្រស់របស់ កញ្ញា គង់ វង្សយ៉ាទី ឯណេះវិញ បើទោះបីជានាងបានឃ្លាតឆ្ងាយពីសិល្បៈទៅហើយក៏ពិតមែន ប៉ុន្តែសម្រស់របស់នាងក៏នៅតែស្រស់ស្អាតផូរផង់ មិនចាញ់កាលពីមុន​ឡើយ៕