គេងមមើរ គួររកការព្យាបាលដែរឬទេ?

គេងមមើរ គួររកការព្យាបាលដែរឬទេ?

គេងមមើរ សំដៅនៅពេលដែលអ្នកងើបពីដំណេក ហើយដើរចុះឡើង ខណៈដែលកំពុងតែគេងលក់ដោយមិនដឹងខ្លួន។ ភាគច្រើន វាកើតនៅលើកុមារដែលមានអាយុពី ៤ ទៅ ៨ ឆ្នាំ ហើយវាច្រើនតែកើតឡើងដោយចៃដន្យ មិនមែនជាសញ្ញានៃបញ្ហាដ៏ធ្ងន់ធ្ងរ ឬតម្រូវអោយមានការព្យាបាលណាមួយនោះទេ។

ទោះជាយ៉ាងណាក៏ដោយ ការមមើរអាចកើតឡើងនៅអាយុណាមួយក៏បាន និងអាចជាភាពខុសធម្មតា ឬអាចជាជាឥរិយាបថដែលមានគ្រោះថ្នាក់ដូចជា ការមមើរលោតចេញតាមបង្អួចផ្ទះ ឬក៏មមើរនោមដាក់ក្នុងទូ ឬធុងសំរាមជាដើម។ ប្រសិនបើនរណាម្នាក់ក្នុងគ្រួសាររបស់អ្នកមានការមមើរ ជាញឹកញាប់ វាគឺជារឿងសំខាន់ណាស់ ដើម្បីការពារគេពីការរងរបួសដែលបណ្តាលមកពីការមមើរនេះ។

អ្នកគួរព្យាយាមធ្វើដូចខាងក្រោមនេះ ៖
•    ធ្វើអោយបរិស្ថានជុំវិញមានសុវត្ថិភាពសម្រាប់អ្នកគេងមមើរ ៖ ដើម្បីជួយការពារពីការរងរបួស សូមបិទ និងចាក់សោរទ្វារបង្អួចខាងក្រៅទាំងអស់នៅពេលយប់។ អ្នកក៏អាចចាក់សោរទ្វារខាងក្នុង ឬដាក់សម្លេងជាដំណឹង ឬកណ្តឹងនៅលើទ្វារ។ ប្រសិនបើកូនរបស់អ្នកមមើរ សូមកុំអនុញ្ញាតិអោយគេគេងនៅលើគ្រែដែលមានច្រើនជាន់។ យកវត្ថុមុតស្រួច ឬងាយបាក់បែកចេញអោយផុតពីដៃ។
•    គេងអោយបានច្រើន ៖ ការអស់កម្លាំងអាចរួមចំណែកដល់ការគេងមមើរ។ សូមព្យាយាមគេងពីព្រលប់ និងគេងអោយបានទៀងទាត់ពេលវេលា។
•    កាត់បន្ថយភាពតានតឹង ៖ កំណត់ពីរឿងរ៉ាវដែលធ្វើអោយអ្នកបាត់តប់ប្រមល់ និងស្វែងរកវិធីណាដែលអាចធ្វើទៅបាន ដើម្បីដោះស្រាយភាពតានតឹងនេះ។ ប្រសិនបើកូនរបស់អ្នកហាក់ដូចជាមានភាពតានតឹងក្នុងចិត្ត ចូរពិភាក្សាអំពីអ្វីដែលរំខានដល់គេ៕

ប្រភព៖ health.com.kh

មុន បន្ទាប់

មតិយោបល់