ប្រាក់មិនអាចទិញក្តីស្រឡាញ់បាននោះទេ ប៉ុន្តែវាអាចទិញអារម្មណ៍តានតឹងបាន

ប្រាក់មិនអាចទិញក្តីស្រឡាញ់បាននោះទេ ប៉ុន្តែវាអាចទិញអារម្មណ៍តានតឹងបាន

តើអ្វីជាផ្នែកមួយដ៏សំខាន់បំផុតនៃជីវិត? មិនមែនប្រាក់នោះទេ។ ផ្នែកមួយដ៏សំខាន់នៃជីវិតមិនធ្លាប់ជាប្រាក់ ហើយទៅថ្ងៃមុខក៏នឹងមិនមែនជាវាដែរ។ ប៉ុន្តែប៉ុន្មានដងហើយដែលជម្លោះអំពីប្រាក់ (តើចំណាយវាដោយរបៀបណា, តើរកវាដោយវិធីណា, និងតើមានប្រាក់ប៉ុន្មានទើបគ្រប់គ្រាន់?) បានជ្រៀតចូលទៅក្នុងផ្លូវនៃភាពរីករាយនៃពេលវេលាដែលអ្នកនៅជាមួយមនុស្សដែលអ្នកស្រឡាញ់? ចូរទុកដាក់ប្រាក់នៅកន្លែងរបស់វា គឺនៅពីក្រោយអ្វីដែលពិតជាសំខាន់ចំពោះអ្នក។

លោក Steve Rhode ជាប្រធានកម្មវិធីប្រឹក្សាពីបញ្ហាហិរញ្ញវត្ថុនៅ Maryland និយាយថា “មនុស្សធនកណ្តាលញៀននឹងប្រាក់”។ គាត់និយាយពីការបំពានលើប្រាក់ក្នុងន័យដូចគ្នាទៅនឹងការដែលអ្នកដទៃព្រមានពីការបំពានឬញៀនទៅនឹងសារធាតុអ្វីមួយនោះដែរ។ លោក Steve គ្រប់គ្រងកម្មវិធីដែលភ្ជាប់ទៅនឹងការបញ្ជាក់ស្តីពីជំនាញជីវិតនិងទំនាក់ទំនង ព្រោះពួកវាស្ទើរតែមិនអាចបំបែកចេញពីការប្រើប្រាស់ប្រាក់។

លោក Steve ព្រមានថា អ្វីដែលធ្វើឱ្យការប្រើប្រាស់ប្រាក់របស់យើងកាន់តែមានគ្រោះថ្នាក់នោះគឺការប្រើប្រាស់នេះច្រើនតែត្រូវបានមើលរំលង និងចាត់ទុកថាជាស្ថានភាពមិនសំខាន់ជំនួសនឹងការចាត់ទុកថាជាបញ្ហា។ “មនុស្សជាច្រើនសន្មត់ថាវាគឺជារឿងធម្មតាដែលគេមិនអាចគ្រប់គ្រងប្រាក់របស់ពួកគេបាន។ ប៉ុន្តែវាមិនមែននោះទេ។ មនុស្សយើងមិនអាចវិវត្តន៍ទៅមុខបានដោយសារតែពួកគេបដិសេធមិនទទួលស្គាល់ថាមានបញ្ហា ដែលបញ្ឈប់ពួកគេពីការយកឈ្នះលើការគ្រប់គ្រងបញ្ហាលុយកាក់របស់ពួកគេ។

លោក Steve និយាយថា “មនុស្សយើងលាក់បាំងពីទម្លាប់គ្រប់គ្រប់ប្រាក់របស់ពួកគេ ឈ្លោះគ្នាទៅលើទម្លាប់នោះ ហើយទុកឱ្យទម្លាប់នោះបញ្ជាលើពួកគេ។ វាគ្មានផ្លូវនឹងបដិសេធថាទម្លាប់នោះមិនប៉ះពាល់ដល់ទំនាក់ទំនងរបស់អ្នកនោះទេ”។

សាររបស់លោក Steve ទៅកាន់អតិថិជនរបស់គាត់គឺផ្តោតសំខាន់ទៅលើអ្វីដែលសំខាន់ចំពោះពួកគេយ៉ាងពិតប្រាកដ ក្នុងខណៈដែលត្រួតពិនិត្យលើសន្ទុះនៃការចំណាយរបស់ពួកគេ។ លោក Steve បន្តថា “យើងព្យាយាមបំពេញចន្លោះប្រហោងក្នុងជីវិតរបស់យើងដោយការចំណាយប្រាក់លើវា។ វាមិនមានប្រយោជន៍នោះទេក្នុងការព្យាយាមបំពេញចន្លោះប្រហោងក្នុងជីវិតដោយប្រើប្រាក់នោះ ព្រោះអ្នកអាចបន្តការចាក់ប្រាក់របស់អ្នកទៅក្នុងចន្លោះប្រហោងទាំងនោះ ប៉ុន្តែអ្នកនឹងមិនអាចបំពេញវាជិតនោះទេ”។

ប្រភព៖ Health.com.kh

មុន បន្ទាប់

មតិយោបល់