វិធីសាស្ត្រ ថែរក្សាស្នេហា អោយនៅគង់វង្ស

វិធីសាស្ត្រ ថែរក្សាស្នេហា អោយនៅគង់វង្ស

ទំនាក់ទំនងស្នេហាររបស់មនុស្សគ្រប់គ្នា គឺជារបស់ដែលមានតែមួយ ហើយអ្នកដែលអាចមករស់នៅជាមួយគ្នាបែបនេះ គឺមានហេតុផលខុសៗគ្នាច្រើនណាស់។ ប៉ុន្តែ មានរឿងមួយចំនួនដែលទំនាក់ទំនងស្នេហាដ៏ល្អគួរតែមាន។ ការយល់ដឹងអំពីគោលការណ៍គ្រឹះនៃទំនាក់ទំនងដ៏ល្អ អាចជួយអោយពួកគេរស់នៅប្រកបដោយអត្ថន័យ រីករាយ និងភ្ញាក់ផ្អើលទាំ ងពេលវេលាសប្បាយ និងកើតទុក្ខ។ ដូច្នេះ តើមានអ្វីខ្លះទៅ ដែលអាចជួយអោយទំនាក់ទំនងស្នេហាមួយមានភាពល្អប្រសើរជាប់រហូត?

រស់នៅជាមួយគ្នា
ទំនាក់ទំនងមួយចំនួនតែងតែមានបញ្ហាជាប់ជានិច្ច ហើយពេលខ្លះ ពួកគេនឹងផ្តាច់ទំនាក់ទំនងគ្នាទៀតផង។ វាអាចបណ្តាលមកពីការខ្វះខាតនូវការចូលរួមធ្វើអ្វីៗជាមួយគ្នា និងការទំនាក់ទំនងកាន់តែបែកឆ្ងាយពីគ្នាដែរ។ ដូច្នេះ ចូរព្យាយាមធ្វើសកម្មភាពនានាជាមួយគ្នា ធ្វើម្ហូបជាមួយគ្នា និយាយគ្នាលេង លេងកីឡាជាមួយគ្នា ...។

ជម្នះនូវការឈ្លោះប្រកែកគ្នា
អ្នកខ្លះ អាចឈ្លោះ ឬនិយាយគ្នាដោយស្ងាត់ស្ងៀម ចំណែកខ្លះទៀត ប្រហែលជាតម្លើងសរសៃក ហើយមិនយល់ព្រមនឹងអ្វីទាំងអស់។ ចំណុចសំខាន់ក្នុងទំនាក់ទំនងដ៏រឹងមាំមួយគឺថា មិនត្រូវខ្លាចការឈ្លោះប្រកែកគ្នានោះទេ។ អ្នកត្រូវតែមានសុវត្ថិភាពក្នុងការបញ្ជាក់រឿងគ្រប់យ៉ាងដែលរំខានអ្នក ដោយគ្មានភាពភ័យខ្លាច ព្រមទាំងអាចដោះស្រាយជម្លោះដោយសន្តិវិធី និងរំងាប់អារម្មណ៍បានយ៉ាងត្រឹមត្រូវ។

រក្សានូវទំនាក់ទំនងខាងក្រៅ និងចំណាប់អារម្មណ៍អោយមានដដែល
គ្មាននរណាម្នាក់អាចទទួលបាននូវតម្រូវការរបស់ពួកគេទាំងអស់នោះទេ ហើយការរំពឹងទុកពីមនុស្សម្នាក់ច្រើនពេក អាចនឹងធ្វើអោយមានសម្ពាធមិនល្អចំពោះទំនាក់ទំនងស្នេហាបាន។ ការដែលមានមិត្តភក្តិ និងចំណាប់អារម្មណ៍ពីខាងក្រៅ មិនត្រឹមតែជួយពង្រឹងដល់ទំនាក់ទំនងក្នុងសង្គមរស់នៅរបស់អ្នកទេ តែវាក៏នាំមកនូវការយល់ដឹងជ្រៅជ្រះថ្មីៗ ព្រមទាំងភ្ញោចដល់ទំនាក់ទំនងស្នេហាទៀតផងដែរ។

ទំនាក់ទំនង
ទំនាក់ទំនងដោយផ្ទាល់ និងស្មោះត្រង់ គឺជាផ្នែកមួយដ៏សំខាន់នៃទំនាក់ទំនងស្នេហាគ្រប់ប្រភេទ។ នៅពេលមនុស្សពីរនាក់មានអារម្មណ៍ចង់បង្ហាញពីតម្រូវការ ភាពភ័យខ្លាច និងចំណង់ប្រកបដោយផាសុខភាពហើយ ការជឿជាក់ និងចំណងមិត្តភាពរបស់ពួកគេនឹងត្រូវបានពង្រឹងជាមិនខាន។ ភាសាកាយវិការដូចជា ការប្រើខ្សែភ្នែក ងាកចេញ ឬងាកចូល ឬប៉ះដៃនរណាម្នាក់គឺជារឿងសំខាន់ក្នុងការទាក់ទងគ្នា៕

ប្រភព៖ Health.com.kh

មុន បន្ទាប់

មតិយោបល់