មូលហេតុទូទៅ នៃការធ្លាក់ទឹកចិត្តលើក្មេងជំទង់

មូលហេតុទូទៅ នៃការធ្លាក់ទឹកចិត្តលើក្មេងជំទង់

ជំងឺធ្លាក់ទឹកចិត្តក្នុងវ័យជំទង់ ជាបញ្ហាសុខភាពដ៏ធ្ងន់ធ្ងរ ដែលបង្កអោយមានអារម្មណ៍ទុក្ខព្រួយ ជាប់ជានិច្ច និងការបាត់បង់ ចំណាប់អារម្មណ៍ក្នុងការធ្វើសកម្មភាពនានា។ វាប៉ះពាល់ដល់ការគិត អារម្មណ៍ និងឥរិយាបថ ហើយវាអាចបណ្ដាលអោយមានបញ្ហាផ្លូវអារម្មណ៍ មុខងារ និងរូបរាងកាយ។ ទោះបីជាជំងឺផ្នែកផ្លូវអារម្មណ៍ ដូចជា ជំងឺធ្លាក់ទឹកចិត្ត អាចកើតមានឡើងនៅពេលណាមួយនៅក្នុងជីវិត តែរោគសញ្ញា អាចមានភាពខុសគ្នា រវាងមនុស្សវ័យជំទង់ និងមនុស្សពេញវ័យ។

បញ្ហាដូចជា សម្ពាធពីមិត្តភក្តិ និងសម្ពាធពីការសិក្សា អាចនាំមកនូវការផ្លាស់ប្តូរ ខាងផ្នែករូបរាងកាយ ដែលអាចធ្វើអោយល្អប្រសើរ ឬអាចជារឿងអាក្រក់។
ជំងឺធ្លាក់ទឹកចិត្ត មិនមែនជាភាពទន់ខ្សោយ ឬជាអ្វីមួយ ដែលអាចជំនះបានដោយងាយៗនោះទេ វាអាចមានផលវិបាកធ្ងន់ធ្ងរ និងទាមទារអោយមានការព្យាបាលរយៈពេលវែង។ ចំពោះក្មេងវ័យជំទង់ ភាគច្រើន រោគសញ្ញាជំងឺធ្លាក់ទឹកចិត្ត អាចបន្ធូរបន្ថយបាន ដោយការព្យាបាលដូចជាការប្រើថ្នាំ និងការផ្តល់ប្រឹក្សាយោបល់ ជាមួយគ្រូពេទ្យឯកទេស។

វាមិនត្រូវបានគេដឹងច្បាស់លាស់នោះទេ នូវអ្វីដែលជាហេតុបង្កអោយមាន ជំងឺធ្លាក់ទឹកចិត្ត។ មានកត្តាផ្សេងៗខុសគ្នាជាច្រើន ដែលអាចទាក់ទងជាមួយ ដែលទាំងនេះ រួមមានដូចជា ៖
•    កត្តាគីមីជីវសាស្ត្រ ៖ សារធាតុបញ្ជូនសរសៃប្រសាទ គឺជាសារធាតុគីមីក្នុងខួរក្បាលដែលទំនងជាដើរតួយ៉ាងសំខាន់ នៅក្នុងជំងឺធ្លាក់ទឹកចិត្ត។ នៅពេលដែលសារធាតុគីមីទាំងនេះ មិនមានតុល្យភាព វាអាចនាំអោយមានជំងឺធ្លាក់ទឹកចិត្ត។
•    កត្តាអ័រម៉ូន ៖ ការផ្លាស់ប្តូរនូវតុល្យភាព នៃអ័រម៉ូនក្នុងរាងកាយ អាចជាមូលហេតុ ដែលអាចបណ្តាលអោយមានជំងឺធ្លាក់ទឹកចិត្ត។
•    កត្តាពូជ ៖ ជំងឺធ្លាក់ទឹកចិត្ត គឺកើតមានច្រើន ចំពោះមនុស្សដែលមានសាច់ញាតិមានជំងឺនេះ។
•    ការប៉ះទង្គិច តាំងពីកុមារភាព ៖ ព្រឹត្តិការណ៍ ប៉ះទង្គិចផ្លូវចិត្តក្នុងវ័យកុមារ ដូចជា ការរំលោភបំពានផ្នែករាងកាយ ឬអារម្មណ៍ ឬការបាត់បង់ឪពុកម្តាយ អាចបណ្តាលអោយមានការផ្លាស់ប្តូរ នៅក្នុងខួរក្បាល ដែលធ្វើអោយមនុស្ស កាន់តែងាយនឹងធ្លាក់ទឹកចិត្ត៕

ប្រភព៖health.com.kh

មុន បន្ទាប់

មតិយោបល់