ជំងឺ ឬសដូងបាត

ជំងឺ ឬសដូងបាត

ជំងឺ ឬសដូងបាត គឺជាជំងឺមួយ ដែលកើតមានដោយសារ ការរីកប៉ោងសរសៃឈាមនៅនឹងចុងរបស់ពោះវៀនធំ ឬរន្ធគូថ។ ជាទូទៅ ការកើតមានជំងឺឬសដូងបាត គឺអាចកើតមាននៅផ្នែកខាងក្នុងនៃរន្ធគូថ ឬផ្នែកខាងក្រៅនៃរន្ធគូថ។

ជាក់ស្ដែង វេជ្ជបណ្ឌិតអាចធ្វើការកត់សម្គាល់ទីតាំង ដែលកើតមានជំងឺនេះបាន តាមរយៈខ្សែអង្កាញ់មួយ ដែលខណ្ឌចែកផ្នែកខាងក្នុង និងផ្នែកខាងក្រៅនៃរន្ធគូថ (Dentate Line)។ ជំងឺឬសដូងបាតខាងក្នុង ជាឬសដូងបាត ដែលកើតមាននៅផ្នែកខាងក្នុងនៃរន្ធគូថ ហើយវាមានលក្ខណៈដូចជាដុំសរសៃឈាម ដែលរីកប៉ោងតូចៗ លៀនចេញមក ហើយលឹបចូលទៅក្នុងរន្ធគូថវិញបាន ដែលវាអាចនឹងធ្វើឲ្យអ្នកមានការហូរឈាមតាមរន្ធគូថបានគ្រប់ពេល ប្រសិនបើពោះវៀនមានចលនា។ ជំងឺឬសដូងបាតខាងក្រៅ គឺជាឬសដូងបាត ដែលកើតមាននៅផ្នែកខាងក្រៅនៃរន្ធគូថ ដែលវាអាចនឹងធ្វើឲ្យមានការលៀន នូវដុំសរសៃឈាមដែលរីកនោះ ចេញមកក្រៅរន្ធគូថតែម្ដង។ អ្នកដែលកើតមានជំងឺឬសដូងបាតនេះ គឺតែងតែងធ្វើឲ្យពួកគេ មានអារម្មណ៍ថាឈឺខ្លាំង ហើយរមាស់ ឬក្រហាយ។ ជាក់ស្ដែង អ្នកដែលមានបញ្ហាទល់លាមកញឹកញាប់ និងអ្នកដែលប្រឹងបន្ទោរបង់លាមកពេក គឺអាចប្រឈមមុខខ្ពស់ ទៅនឹងបញ្ហាជំងឺឬសដូងបាត។ យ៉ាងណាមិញ មានស្ត្រីមានផ្ទៃពោះជាច្រើន ដែលកើតមានបញ្ហាជំងឺឬសដូងបាតនេះ ពីព្រោះតែ ស្បូនរបស់ស្ត្រី សង្កត់ទៅលើសរសៃឈាមដែលនៅនឹងរន្ធគូថ ដែលជាហេតុធ្វើឲ្យសសៃឈាមនោះ មានការរីកធំ ហើយស្ទះលំហូរសសៃឈាម មិនហូរត្រលប់ពីរន្ធគូថទៅវិញ៕

ប្រភព៖health.com.kh

មុន បន្ទាប់

មតិយោបល់