សម្រាលកូនមិនគ្រប់ខែ ផ្សារភ្ជាប់ទៅនឹងហានិភ័យជំងឺបេះដូង ជំងឺដាច់សរសៃឈាមខួរក្បាល ចំពោះម្តាយ

សម្រាលកូនមិនគ្រប់ខែ ផ្សារភ្ជាប់ទៅនឹងហានិភ័យជំងឺបេះដូង ជំងឺដាច់សរសៃឈាមខួរក្បាល ចំពោះម្តាយ

ការស្រាវជ្រាវថ្មីមួយ បានបង្ហាញថា ស្ត្រីដែលមានកូនកើតមិនគ្រប់ខែ អាចប្រឈមមុខទៅនឹង ហានិភ័យខ្ពស់ នៃជំងឺបេះដូង និងជំងឺដាច់សរសៃឈាមខួរក្បាល។
អ្នកស្រាវជ្រាវបានពិនិត្យទៅលើ ការស្រាវជ្រាវធំៗ ១០ ដើម្បីពិនិត្យមើល ពីការផ្សារភ្ជាប់គ្នា រវាងការសម្រាលកូនមិនគ្រប់ខែដោយឯកឯង និងហានិភ័យនៃជំងឺបេះដូង។ ការស្រាវជ្រាវដ៏តូចបំផុត បានធ្វើទៅលើស្ត្រីច្រើន ៣.៧០០ នាក់។ ការស្រាវជ្រាវធំបំផុត បានធ្វើទៅលើស្ត្រី ៩២៣.០០០ នាក់។
ការសម្រាលកូនមិនគ្រប់ខែ គឺជាការសម្រាលកូន ដែលកើតមានឡើងមុនសប្តាហ៍ទី ៣៧ នៃការមានផ្ទៃពោះ។ ការសម្រាលកូនមិនគ្រប់ខែដោយឯកឯង កើតមានជាធម្មជាតិ។ មានការសម្រាលកូនមិនគ្រប់ខែ ដែលទាក់ទងទៅនឹងបញ្ហាសុខភាព អាចគម្រាមកំហែងដល់ម្តាយ និងកូន។
ស្ត្រីដែលមានប្រវតិ្ត នៃការសម្រាលកូនមិនគ្រប់ខែ ដោយធម្មជាតិ មាន ៣៨ ភាគរយ នៃការកើនឡើងហានិភ័យ នៃជំងឺបេះដូងដល់ទារក និងមិនមែនទារក ដែលពាក់ព័ន្ធទៅនឹង ការស្ទះសរសៃឈាម។ ហានិភ័យនៃជំងឺស្ទះសរសៃឈាមខួរក្បាល គឺមាន ៧១ ភាគរយ។
ការស្រាវជ្រាវ ត្រូវបានចេញផ្សាយ នៅក្នុងកាសែត European Journal of Preventive Cardiology។
វេជ្ជបណ្ឌិត កាស ហៃដា (Karst Heida) បាននិយាយថា ស្ត្រីជាច្រើន ដែលបានសម្រាលកូនមិនគ្រប់ខែ ដោយឯកឯង មានកត្តាហានិភ័យ នៃជំងឺបេះដូងហើយ។
គាត់បានបន្ថែមថា នេះមានន័យថា កត្តាដើមកំណើតនៃជំងឺបេះដូង អាចដើរតួសំខាន់ ចំពោះការសម្រាលកូនមិនគ្រប់ខែនេះ។
វាមិនមានការបង្ហាញច្បាស់លាស់នៅឡើយ ដើម្បីរាប់បញ្ចូល ការសម្រាលកូនមិនគ្រប់ខែដោយឯកឯង លើហានិភ័យនៃជំងឺបេះដូង ឬក្នុងការណែនាំ នៃការការពារនោះទេ។ ប៉ុន្តែ ការស្រាវជ្រាវនេះ អាចត្រូវបានប្រើ ដើម្បីបញ្ជាក់ដល់ស្ត្រី លើការកើនឡើងហានិភ័យនៃជំងឺបេះដូង។ វេជ្ជបណ្ឌិត Heida បាននិយាយថា ព័ត៌មាន អាចត្រូវបានប្រើ ដើម្បីផ្តល់ជាដំបូងន្មាន ដល់ពួកគេ ដើម្បីធ្វើការផ្លាស់ប្តូររបៀបរស់នៅ ដើម្បីបន្ថយហានិភ័យ នៃជំងឺបេះដូងរបស់ពួកគេ៕

ប្រភព៖ health.com.kh

មុន បន្ទាប់

មតិយោបល់