តើធ្វើដូចម្តេច ដើម្បីជួយឱ្យកូនប្រុសរបស់អ្នក ទទួលជោគជ័យក្នុងសិក្សា?

តើធ្វើដូចម្តេច ដើម្បីជួយឱ្យកូនប្រុសរបស់អ្នក ទទួលជោគជ័យក្នុងសិក្សា?

ក្មេងប្រុសជាច្រើនត្រូវបានគេរកឃើញថា មានសកម្មភាពរៀនសូត្រខ្សោយនៅក្នុងថ្នាក់រៀននេះដោយសារតែពួកគេ មិនសូវយកចិត្តទុកដាក់ មិនសូវផ្តោតទៅលើគ្រូបង្រៀន និងការរៀបចំសម្ភារៈនិងដោយសារតែក្មេងប្រុស មានការអភិវឌ្ឍការសរសេរ និងការអាន យឺតជាងក្មេងស្រី។
ប៉ុន្តែ វាជាការល្អដែលមានវិធីដ៏សាមញ្ញមួយចំនួន ជួយឱ្យកូនប្រុសរបស់អ្នកអាចទទួលបានភាពជោគជ័យមកវិញ នោះមានដូចជា ៖
1.    ការបង្រៀនឱ្យកូនប្រុសអ្នក មានទំនួលខុសត្រូវ
ជាដំបូង អ្នកត្រូវឱ្យកូនប្រុសរបស់អ្នកអនុវត្តឱ្យបានច្រើន ដោយអ្នកអាចណែនាំឱ្យពួកគេធ្វើអ្វីមួយ ដូចជា ត្រូវឱ្យកូនអ្នកដាក់រថយន្តឱ្យឆ្ងាយ ឬការលាងដៃមុនពេលញ៉ាំអាហារជាដើម។ ការធ្វើបែបនេះ គឺដើម្បីឱ្យពួកគេមានទម្លាប់ល្អ នៅក្នុងការរៀបចំថ្នាក់រៀនឱ្យបានល្អ។
2.    ការអនុវត្តន៍ដោយភាពស្ងៀមស្ងាត់ និងការផ្តោតអារម្មណ៍
អ្នកត្រូវឱ្យកូនរបស់អ្នកយល់ថា ពេលវេលា និងទីកន្លែងជាប្រការសំខាន់ ដោយអ្នកអាចនាំកូនអ្នកទៅកាន់បណ្ណាល័យ សារមន្ទីរ និងកន្លែងផ្សេងទៀត ដែលជាកន្លែងស្ងប់ស្ងាត់។
3.    ការបង្កើតភាពជិតស្និទ្ធជាមួយគ្រូបង្រៀនរបស់កូនប្រុសអ្នក
វាជាឱកាសមួយ អាចឱ្យគ្រូបង្រៀនកូនអ្នក ពិពណ៌នាអំពីភាពខ្លាំង និងភាពខ្សោយរបស់កូនប្រុសអ្នកហើយអ្នកអាចនិយាយពីអ្វី ដែលជាការព្រួយបារម្ភដែលអ្នកមាន។
4.    អ្នកត្រូវប្រាកដថា នេះជាពេលវេលាដែលមានសកម្មភាពល្អ
ក្មេងប្រុសចង់ឱ្យមានភាពជាប់ចិត្ត នៅក្នុងការអានរឿងនិទាន។ បើកូនរបស់អ្នកកំពុងអានឱ្យអ្នកស្ដាប់នោះ អ្នកត្រូវបង្រៀនកូនអ្នក អំពីការបញ្ចេញសំឡេងនៃពាក្យនៅក្នុងរឿងនិទាននោះ ដើម្បីកុំឱ្យបាត់បង់អត្ថន័យនៃរឿងនិទាននោះ។
5.    ការសរសេរ
អ្នកអាចលើកទឹកចិត្តឱ្យកូនរបស់អ្នក ប្ដូរពីការបញ្ចេញគំនិត ទៅជាការសរសេរ នេះដោយសារតែផ្នែកមួយនៃខួរក្បាល ដែលជាអ្នករៀបចំគំនិត មានការអភិវឌ្ឍយឺតជាងក្មេងស្រី។
6.    ការធ្វើកិច្ចការផ្ទះ
អ្នកត្រូវឱ្យកូនអ្នកធ្វើលំហាត់ ឱ្យបានទៀងទាត់ ដោយក្មេងប្រុសអាចចំណាយពេលត្រឹមតែ ២០នាទី សម្រាប់សន្លឹកកិច្ចការគណិតវិទ្យាមួយសន្លឹកនោះ។
7.    ការគាំទ្រ
នៅពេលដែលកូនរបស់អ្នកមានអាកប្បកិរិយាមិនត្រឹមត្រូវ អ្នកត្រូវខ្សឹបដាក់ត្រចៀកកូនអ្នក ពីអ្វីដែលអ្នកចង់ឱ្យធ្វើ ដោយចៀសវាងការរិះគន់ នៅចំពោះមុខអ្នកដទៃ។
ហើយអ្នកត្រូវប្រើប្រាស់ភាសាជាវិជ្ជមាន ដូចជាការនិយាយជំនួសពាក្យថា "កុំរត់" ដោយពាក្យថា "ចូរដើរ" ។ អ្នកត្រូវលើកទឹកចិត្តឱ្យកូនអ្នក ប្រកាន់យកឥរិយាបថដ៏ល្អមួយ៕

ត្រួតពិនិត្យដោយ www.health.com.kh ថ្ងៃទី10 មីនា ឆ្នាំ2015

មុន បន្ទាប់

មតិយោបល់