ការធ្វើតេស្តដ៏សាមញ្ញ អាចបង្ហាញថាអ្នកមានអាយុខ្លី ឬវែង

ការធ្វើតេស្តដ៏សាមញ្ញ អាចបង្ហាញថាអ្នកមានអាយុខ្លី ឬវែង

ក្រុមអ្នកស្រាវជ្រាវបានរកឃើញថា នៅអាយុ ៥៣ ឆ្នាំបុរសមានសមត្ថភាពក្នុងការអង្គុយ ហើយងើបបាន ២៣ ដងក្នុងមួយនាទី និងស្ត្រី ២២ ដង ពួកគេទាំងនោះមានហានិភ័យឆាប់ស្លាប់កើនឡើងពីរដង មុននឹងឈានដល់អាយុ ៦៦ ឆ្នាំ។
13993360201
ផ្ទុយទៅវិញនៅអាយុ ៥៣ ឆ្នាំនេះ ចំពោះអ្នកដែលមានសមត្ថភាបអាចឈរជើងមួយបានយូរជាង ១០ វិនាទី ជាមួយនឹងការបិទភ្នែក ហើយនឹងអង្គុយងើបៗនៅលើកៅអ៊ីបាន ៣៧ ដងក្នុងមួយនាទី ឬ ៣៥ ដងសម្រាប់ស្ត្រី វាអាចបង្ហាញថាពួកគេអាចរស់នៅយ៉ាងមានសុខភាពល្អ នៅក្នុងរយៈពេល ១៣ ឆ្នាំទៅមុខទៀត។

ដើម្បីអនុវត្តការសិក្សានេះក្រុមអ្នកស្រាវជ្រាវផ្នែកវិទ្យាសាស្ត្រធ្វើការតាមដានពេញមួយជីវិតមនុស្សចំនួន ៥០០ នាក់ដែលកើតនៅក្នុងឆ្នាំ ១៩៤៦ ។ រហូតដល់ពួកគេមានវ័យ ៥៣ ឆ្នាំ អ្នកវិទ្យាសាស្ត្របានសម្រេចការសាកល្បងនេះ ដោយទទួលបានលទ្ធផលយ៉ាងពិសេស។ នៅក្នុងការធ្វើតេស្តនៃការឈរជើងមួយ ជាមួយនឹងការបិទភ្នែកនេះ ចំពោះបុរស និងស្ត្រីដែលឈរជើងមួយបានក្រោម ២ វិនាទីទំនងជាអាចឆាប់ស្លាប់ច្រើនជាង ៣ ដងមុននឹងឈានដល់អាយុ ៦៦ ឆ្នាំ បើធៀបជាមួយនឹងអ្នកដែលអាចឈរបានរយៈពេល ១០ វិនាទី ឬច្រើនជាងនេះ។ ចំពោះអ្នកដទៃទៀតដែលមិនអាចបញ្ចប់ការធ្វើតេស្តនេះ អាចនឹងស្លាប់នៅក្នុងរយៈពេល ១៣ ឆ្នាំទៅខាងមុខទៀត។

លោកវេជ្ជបណ្ឌិត Rachel Cooper មានប្រសាសន៍ថា (ភាគច្រើននៃការសិក្សានេះត្រូវបានអនុវត្តជាមួយនឹងមនុស្សចាស់ ប៉ុន្តែយើបានបង្ហាញថា សូម្បីតែក្រុមមនុស្សវ័យក្មេង ដែលមានសភាពដូចនៅក្នុងការធ្វើតេស្តនេះអាចមានជំងឺច្រើននៅពេលមានវ័យចំណាស់)៕

អត្ថបទ៖ ចន្ធូ

មុន បន្ទាប់

មតិយោបល់