​ការស្រាវជ្រាវ​ពីមុន​បានបង្ហាញ​ថា ការប្រើ​ថ្នាំ​បំបាត់​ការឈឺចាប់​ជា​ទៀងទាត់ អាច​បន្ថយ​ហានិភ័យ នៃ​ជំងឺមហារីក​ពោះវៀនធំ​បាន ប៉ុន្តែ ការស្រាវជ្រាវ​ថ្មី​មួយ​បាន​រកឃើញថា ហ្សេ​នេ​ទិ​ចរបស់​មនុស្ស អាច​ដើរតួ​សំខាន់​សម្រាប់​បញ្ហា​នេះ​។​
​ការប្រើប្រាស់​ជា​ទៀងទាត់ និង​រយៈពេល​យូរ​នៃ​ថ្នាំ​បំបាត់​ការឈឺចាប់​ប្រភេទ NSIADs ដែល​រួមមាន​ថ្នាំ អាស្ពីរីន ជា​ដើម​នោះ ត្រូវ​បាន​ផ្សារភ្ជាប់ ជាមួយនឹង​ការថយចុះ​ហានិភ័យ​សរុប នៃ​ជំងឺមហារីក​ពោះវៀន​ធំ​។​
​ប៉ុន្តែ តើ​នរណា​ទើប​ទទួល​បាន​ប្រយោជន៍​? នៅ​ក្នុង​ការស្រាវជ្រាវ ដែល​ត្រូវបាន​ដឹកនាំ​ដោយ​វេជ្ជបណ្ឌិត អេ​ដ្រូវ ឆេន (Andrew Chan) បាន​មើល​ទៅលើ​ការស្រាវជ្រាវ នៅ​ចន្លោះ​ឆ្នាំ ១៩៧៦ ដល់​ឆ្នាំ ២០១១​។ ការស្រាវជ្រាវ រួម​មាន​មនុស្ស​ជាង ១៩.០០០ នាក់​។​
​ជា​សរុប ហានិភ័យ​នៃ​ជំងឺមហារីក​ពោះវៀនធំ គឺ​ទាប ចំពោះ​អ្នក​ដែលជា​អ្នក​ប្រើ​ថ្នាំ អាស្ពីរីន ជា​ទៀងទាត់ ឬ​ថ្នាំ NSAIDs ដទៃ បើ​ធៀប​ទៅ​នឹង​អ្នក ដែល​មិន​ប្រើ​ជា​ទៀងទាត់​នោះ​។​
​ប៉ុន្តែ មនុស្ស​មួយចំនួន ទទួល​បាន​ប្រយោជន៍​ច្រើនជាង ឬ​តិច​ជាង​។ ឧទាហរណ៍ មិន​មាន​អត្ថប្រយោជន៍​សម្រាប់ ៩ ភាគរយ នៃ​អ្នក​ដែល​មាន​ហ្សែ​ន rs16973225​។ មួយវិញទៀត ការប្រើប្រាស់​ថ្នាំ អាស្ពីរីន ឬ​ថ្នាំ NSAIDs ដទៃ ហាក់ដូចជា​ជំរុញ​ឱកាស នៃ​ជំងឺមហារីក​ពោះវៀន​ធំ ក្នុងចំណោម ៤ ភាគរយ ជាមួយ​នឹង​ហ្សែ​ន rs2965667​។​
​ដោយយោង​តាម​ការស្រាវជ្រាវ ប្រភេទ​នៃ​ការស្រាវជ្រាវ​នេះ អាច​នាំ​អោយ​ការប្រើប្រាស់​តេស្ត​ហ្សេ​នេ​ទិច ដើម្បី​កំណត់​មនុស្ស​ដែល​នឹង​មាន​អត្ថប្រយោជន៍ ការពារ​ជំងឺមហារីក ពី​ការប្រើប្រាស់​ជា​ទូទៅ​នៃ​ថ្នាំ​ទាំង​នេះ​។​
​ការស្រាវជ្រាវ ត្រូវ​បាន​ចេញផ្សាយ​នៅក្នុង​កាសែត Journal of the American Medical Association​។​
​វេជ្ជបណ្ឌិត អា​រុន ស្វាមី​ណាត (Arun Swaminath) បាន​និយាយថា ការស្រាវជ្រាវ​ថ្មី គឺជា​ជំ​ហ៊ាន​ដទៃ ដើម្បី​ឆ្ពោះទៅរក​អាយុ​នៃ​ជំងឺ​ផ្ទាល់ខ្លួន​៕
 

ត្រួតពិនិត្យដោយ www.health.com.kh ថ្ងៃទី20 មីនា ឆ្នាំ2015