ចូរយល់ដឹងអំពីជម្លោះនៅកន្លែងធ្វើការ

ចូរយល់ដឹងអំពីជម្លោះនៅកន្លែងធ្វើការ

ជម្លោះនៅកន្លែងធ្វើការគឺជារឿងធម្មតាទេ ហើយក៏កើតមានជាញឹកញាប់លើស្ថាប័ន ឬក្រុមហ៊ុនភាគច្រើនដែរ។ បើយើងនិយាយតាមវេចនានុក្រមវិញគឺថា វាគឺជាការមិនយល់ស្របគ្នាទាំងស្រុងតែម្តងចំពោះគំនិត និងចំណាប់អារម្មណ៍ផ្ទុយគ្នា។ វេជ្ជបណ្ឌិត ដេវីត ជី ចាវីច (Dr. David G. Javitch) អ្នកឯកទេសខាងគ្រប់គ្រងជម្លោះ និងអ្នកជំនាញខាងចិត្តសាស្ត្រ បានអោយនិយមន័យជម្លោះនៅកន្លែងធ្វើការថា ជាសម្ពាធ និងជំនឿដែលផ្តល់ជាប្រយោជន៍ តែក៏មានគុណវិបត្តិដែរនៅកន្លែងធ្វើការ។ មិនខ្វល់ថាមនុស្សធ្វើការនៅកន្លែងណាទេ ជម្លោះទំនងជានឹងកើតមាន ហើយវានឹងផ្តល់ការលំបាកមួយដល់ការគ្រប់គ្រងទៀតផង។

ប្រភេទ
រយៈពេលច្រើនឆ្នាំមកហើយ អ្នកឯកទេសជាច្រើនបានសម្គាល់ឃើញថាជម្លោះនៅកន្លែងធ្វើការមានច្រើនប្រភេទណាស់។ ជម្លោះអន្តរបុគ្គលមានដូចជា ការប្រកួតប្រជែងខាងបុគ្គលិកលក្ខណៈ និងការធ្វើការងារយ៉ាងលំបាកជាមួយអ្នកដទៃទាំងអាចនាំអោយមានកំហឹង និងមតិអវិជ្ជមាន។ កន្លែងធ្វើការអាចនឹងមានបញ្ហាដូចជា ភាពមិនយល់ស្របជាមួយនឹងគោលការណ៍ ព្រមទាំងដំណើរការផ្សេងៗ, ការសម្រេចចិត្តគ្រប់គ្រង និងការផ្តល់សិទ្ធិបុគ្គល ដែលនេះអាចជាហេតុនាំអោយកើតជាជម្លោះរវាងមេ និងកូនចៅបាន។

មូលហេតុ
មូលហេតុដ៏ចំបងបំផុតដែលកើតមាននៅកន្លែងធ្វើការនោះគឺការប្រកួតប្រជែងខាងបុគ្គលិកលក្ខណៈតែម្តង។ មនុស្សគ្រប់រូបតែងមានតម្លៃ និងជំនឿខុសៗគ្នា ដូច្នេះវានឹងអាចប៉ះពាល់ដល់របៀបដែលពួកគេធ្វើការ និងការដោះស្រាយបញ្ហាជាមិនខាន។ ការប្រកួតប្រជែងកើតឡើងនៅពេលអ្នកធ្វើការមានភាពពិបាកក្នុងការយល់ ឬមិនយល់ស្របនឹងវិធីសាស្ត្ររបស់អ្នកដទៃ។ មូលហេតុផ្សេងៗទៀតមានដូចជា តម្រូវការជម្លោះ, មិនសូវមានទំនាក់ទំនងល្អដែលនាំអោយមានការយល់ច្រឡំ, កង្វះខាតធន់ធានដែលបណ្តាលមកមកពីការប្រកួតប្រជែងរវាងអ្នកធ្វើការដូចគ្នា និងធ្វើការមិនសូវល្អ ជាពិសេសបុគ្គលិកមួយចំនួនដែលបន្ថែមការងារដល់អ្នកដទៃធ្វើតែម្តង។

ដំណោះស្រាយ
អ្នកគ្រប់គ្រងម្នាក់ៗត្រូវការប្រើស្ទីលខុសៗគ្នាដើម្បីរកអោយឃើញថាមានជម្លោះបែបណាក្នុងកន្លែងធ្វើការ។ ស្ទីលទាំងនេះច្រើនតែជារឿងមួយក្នុងចំណោមក្រុមជម្លោះទាំងប្រាំ ដែលអាចមានប្រសិទ្ធភាពដោះស្រាយបែបផ្សេងៗពីគ្នាដែរ។ វិធីសាស្ត្រ Confrontational Approach អាចសម្គាល់ជម្លោះបានដោយផ្ទាល់ និងអាចរកវិធីដោះស្រាយបានទាំងបង្ខំតែម្តង ចំណែកវិធីសាស្ត្រ Compromising Approach វិញ ទាមទារអោយគូជម្លោះចរចាគ្នា និងយល់ស្របនូវអ្វីដែលជាកត្តារួមមួយ។ វិធីសាស្ត្រ Collaborative Approach មានការចូលរួមដោយការធ្វើការជាមួយគ្នាដើម្បីអាចរកបាននូវដំណោះស្រាយមួយដែលអាចទទួលយកបាន។

ការបង្ការ
ចូរធ្វើការបង្ការជម្លោះនៅកន្លែងធ្វើការតាមរយៈការជួលបុគ្គលិកដែលមានតុល្យភាពខាងបុគ្គលិកលក្ខណៈ និងយល់ស្របនឹងទំនៀមទម្លាប់របស់ក្រុមហ៊ុនក្នុងការចែករំលែកតម្លៃ និងជំនឿ។ ចូរកំណត់ច្បាប់ក្បួនសម្រាប់បុគ្គលិកទាំងអស់ដូចជាវិន័យក្នុងការបំពេញការងារជាដើម។ ចូរបង្កើតនូវអ្វីដែលមានអាទិភាពបំផុតដើម្បីអោយប្រាកដថាបុគ្គលិកដឹងថាវាជាអ្វី និងអាចទទួលយកបាន។ បង្កើនការធ្វើយ៉ាងណាអោយមានការស្តាប់អោយមានប្រសិទ្ធភាពដើម្បីជួយអោយបុគ្គលិកអភិវឌ្ឍន៍ការយល់ដឹងរបស់ពួកគេចំពោះវិធីសាស្ត្រ និងទស្សនៈរបស់អ្នកដទៃ៕

ប្រភព៖ Heath

មុន បន្ទាប់

មតិយោបល់